هەواڵەکان
ئەنجومەنی وەزیرانی ھەرێم: ھەرچی پێمان بکرێت دەیکەین بۆ پشتیوانیکردنی پێشمەرگە
ئاشكراشیدەكات، پەلامارەكانی داعش بەشێكن لە سیاسەتی بەردەوامی گۆڕینی ناوچە دابڕێنراوەكان و ناچاركردنی دانیشتوانەكانی بۆ ئەوەی شوێنەكانیان چۆڵ بكەن.
لە كۆبوونەوەی ئەنجومەنی وەزیرانی هەرێم جەخت كرایەوە لە بەردەوامی پەیوەندییەكان لەگەڵ حكومەتی فیدڕاڵی بۆ فراوانكردنی هەماهەنگیی بۆ پڕكردنەوەی بۆشایی ئەمنی لە ناوچە دابڕاوەكان و دابینكردنی پێداویستییەكانی پێشمەرگە، هاوكات ئەنجومەنی وەزیرانی بە كۆی دەنگ، هەر دوو پڕۆژە یاسای (پەروەردە و فێركاری لە هەرێمی كوردستان)، كە ئامانج لێی رێكخستنی هەموو بوارە پەروەردەیی و فێركارییەكانە لەسەر بنەمای سەردەمیانە، لەگەڵ پڕۆژە یاسای (هەمواری یەكەمی یاسای وەزارەتی كارەبا)، كە ئامانج لێی باشتر رێكخستنەوەی هەیكەلیەتی وەزارەتەیە، پەسەند كرد .
بڕیارە سبەینێ ڕووفاتی ٤١ ئێزدی لە بەغدادەوە بە فڕۆکە بھێنرێنەوە بۆ موسڵ و دواتریش دەبرێنەوە بۆ شەنگال و لە ڕێوڕەسمێکی شایستەدا لەسەر شێوازی ئایینی ئێزدییەکان لە گوندی کۆچۆ بە خاک دەسپێردرێن و بۆ ماوەی سێ ڕۆژیش پرسەیان بۆ دادەنرێت.
مانگی شوباتی ئەمساڵ ئەمساڵ ڕووفاتی ١٠٤ ئێزدی کە لە گۆڕە بە کۆمەڵەکانی شەنگال دەرھێندران و دوای پشکنین ھێنرانەوە بۆ شەنگال و بە خاک سپێردران.
بەڕێوەبەری چاودێری بازرگانی سلێمانیش ڕایدەگەیەنێت، ھەر خاوەن گەراجێکی ئوتومبێل پابەندی مەرج و ڕێنماییەکانی قائیمقامیەتی سلێمانی نەبێت لێپرسینەوەی لەگەڵ دەکرێت و سزا دەدرێت.
لە ڕاگەیەندراوەکەدا ئاماژە بەوەش کراوە، ھێزەکانیان دەستی بەسەر ئەو کەرەستە و ئامێرانەیدا گرتووە کە دەستگیرکراوەکان لە ئەنجامدانی تاوانەکانیاندا بەکاریان ھێناوە و لە کاتی لێکۆڵینەوەکردنیشدا تۆمەتبارەکان دانیان بەوەدا ناوە کە تاوانی تریشیان ئەنجامداوە وەک دزیکردن و بڕینی دوکان و ماڵی ھاوڵاتیان.
سەرۆک مام جەلال لە کتێبەکەیدا کورتەیەکی دەربارەی گەلی کورد و بزاڤی ڕزگاریخوازی نەتەوەیی کورد و شۆڕشی نیشتیمانی ڕزگاریخوازی کورد و چەندین تەوەری دیکەی گرنگی باس کردووە.
عەباس ماھیر، قائیمقامی قەزای زوبێری سەر بە پارێزگای بەسڕە ڕایگەیاند، کۆنتێنەرێک دزراوە کە ١٠٠ بۆمبی ھێشوویی تێدایە و بەو ھۆیەوە ھێزە ئەمنییەکان باری نائاساییان ڕاگەیاندووە.
وتیشی، کۆنتێنەرەکە لەناو کۆگایەکی کۆمپانیایەکی تایبەت بە ھەڵگرتنەوەی مین بووە و ئەو کەسانەی بردوویانە پێیان وابووە خاڵییە و ویستوویانە بیبەن و وەک ئاسنی وەردە بیفرۆشن.
باسی لەوەش کرد، ئەو کۆنتەینەرە لەناو کۆمەڵێک کۆنتەینەری دیکەدا بووە کە بۆ لەناوبردن دانراوە و لە ئێستادا کۆنتەینەرەکە لەلایەن ئەو کەسانەوە بۆ شوێنێکی نادیار گوازراوەتەوە.
سەرۆکی شارەوانی زوبێر داوا لە ھاولاتیان دەکات ھەر زانیارییەکیان ھەیە دەربارەی کۆنتێنەرەکە دەزگا پەیوەندیدارەکان ئاگادار بکەنەوە.
گروپی ڕاوێژ لە فێرخوازانی ناڕازی زانکۆ و پەیمانگاکانی سنورەکانی سلێمانی، ھەڵەبجە، ھەولێر، دھۆک لە ڕاگەیەنراوێکدا ئاماژەیان کردووە بەوەی ماوەی زیاتر لە ھەفتەیەکە وەک خوێندکارانی زانکۆکانی سلێمانی، ڕاپەڕین، ھەڵەبجە و ھەولێر.
بایکۆتی ھۆڵەکانی خوێندنیان کردووە بە مەبەستی داواکردنی مافە ڕەواکانیان بە شێوەیەکی ئاشتیانە وە ڕایدەگەیەنین ھەرکارێکی ناشارستانی کرابێت گوزارشت لە خوێندکاران ناکات دوورن لێی، ئەوەشیان خستوەتەڕوو، خۆپیشاندانەکانیان ئەنجامی ھەبووە و لەبەر ڕۆشنایی ڕاوێژ بە شارەزایان بڕیاریانداوە تا سەری ساڵی نوێ و چاوەڕوانی ئەو بەڵێنانە بن کە پێیان دراوە.
بەشی خزمەتگوزاری ڕۆژنامەوانی دادگای ئەوروپا بۆ مافەکانی مرۆڤ لە ڕاگەیەنراوێکدا ئاماژەی بەوەکردووە، لە زۆربەی داخوازییە پێشکەشکراوەکان، ئاماژە بەوە کراوە ئەوان لە ناو خاکی پۆڵەندان و داوایانکردووە دیپۆرت نەکرێنەوە بۆ بیلاروس.
بڕیاری دادگاکە پشتبەست بە بنەمای ژمارە ٣٩ی حوکمەکانی ڕێوشوێنە کاتییەکان دەرکراوە، کە تیایدا ئاماژەی بەوە کردووە، نابێت ئەو کەسانەی داوای مانەوەیان پێشکەشکردووە بۆ مانەوە لەناو خاکی پۆڵەندا و بە فیعلیش لە ناو خاکی ئەو وڵاتەدا بوون، نابێت دیپۆرت بکرێنەوە بۆ بیلاروس.
لە ڕاگەیەنراوەکەدا باس لەوەشکراوە، لە کۆی ١٤٩ کۆچبەر ٤٧ کەسیان داخوازی مانەوەیان پێشکەشکردووە، بە مەبەستی جێبەجێکردنی ڕێوشوێنە کاتییەکان، کە تیایدا جەختیانکردووەتەوە لە ناو خاکی پۆڵەندان و داوای پاراستنی نێودەوڵەتی دەکەن.
وتەبێژی کۆشکی سپیش دەڵێت، ئەگەر ھەوڵە دیپلۆماسییەکان بۆ ڕازیکردنی ڕووسیا بە کشاندنەوەی ھێزەکانی لەسەر سنوری ئۆکراین سەرکەوتوو نەبن سزا بەسەر ئە وڵاتەدا دەسەپێنن.
جین ساکی وتەبێژی کۆشکی سپی ڕاگەیاند، کۆبوونەوەکە دەرفەتێکە بۆ ئەوەی سەرۆکی ئەمریکا جەخت بکاتەوە لەسەر نیگەرانی وڵاتەکەی سەبارەت بە جموجۆڵە سەربازییەکانی ڕووسیا لەسەر سنوری ئۆکراین و جارێکی تریش پشتیوانییەکانی بۆ یەکپارچەیی خاکی ئۆکراین دووپاتبکاتەوە.
وتیشی، لە کاتی سەرنەکەوتنی ھەوڵە دیپلۆماسییەکان بۆ کشاندنەوەی ھێزەکانی ڕووسیا لەسەر سنوری ئۆکراین، بایدن ئامادەیە کۆمەڵێک سزای ئابوری بەسەر ڕووسیادا بسەپێنێت.
ھەر یەکە لە جۆو بایدن سەرۆکی ئەمریکا و بۆریس جۆنسن سەرۆک وەزیرانی بەریتانیا و ئیمانوێل ماکرۆن سەرۆکی فەڕەنسا و ئەنگێلا مێرکڵ ڕاوێژکاری ئەڵمانیا و ماریۆ دراجی سەرۆک وەزیرانی ئیتاڵیا، بە شێوەی ڤیدیۆکۆنفرانس کۆبوونەوە و لە ڕاگەیاندراوی کۆتایی کۆبوونەوەکەشیان جەختیان لە پێکھێنانی بەرەیەکی ھاوبەش بەرامبەر ھەڕەشەکانی ڕووسیا کردەوە.
ھاوکات پشتیووانی خۆیان بۆ یەکپارچەیی خاکی ئۆکراین دەربڕی و داوایان لە ڕووسیاش کرد، ھەڕەشەکانی لە سنوورەکانی لەگەڵ ئۆکراین ڕابگرێت.
میدیاکانی سوریا ئاماژەیان بەوەکرد، سەعات یەک و ٢٣ خولەیەکی بەرەبەیانی ئەمڕۆ، سوپای ئیسڕائیل بە ژمارەیەک مووشەک باشووری خۆرئاوای لازقیەی بۆردومان کردووە و سیستمی بەرگریی ئاسمانی سوریا وەڵامی بۆردومانەکانی داوەتەوە.
بە پێی زانیارییەکان، بۆردومانەکە گۆڕەپانی کۆنتێنەرەکانی لە بەندەری بازرگانیی لازقیە کردووەتە ئامانج و بەھۆیەوە ئاگر لە بەشێکی گۆڕەپانەکە کەوتەوە، بەڵام زیانی گیانی نەبووە.
لە ماوەی ڕابردووشدا چەندین جار، سوپای ئیسڕائیل ناوچەکانی ژێر کۆنتڕۆڵی حکومەتی سوریای بە مووشەک بۆردومان کردووە.