لە شاری ڤانكۆڤەری كەنەدا ئۆتۆمبێلێك خۆی بەناو خەڵكدا كردو بەهۆیەوە چەندین كەس گیانیان لەدەستدا و ژمارەیەكی دیكەش برینداربوون.

لەدواری رووداوەكەش پۆلیسی ڤانكۆڤەر، رایگەیاند، ئەو شۆفێرەی كە بە ئوتومبێلەكەی خۆی كردوە بە ناو فێستیڤاڵێكدا دەستگیركراوە كە لایەن كۆمەڵگەی فلیپینی  لە شاری ڤانكۆڤەری كەنەدا لە سەر شەقامەكان رێكخرابوو بۆ پیرۆزكردنی  ڕۆژی لاپو - لاپویان.

تاوەكو ئێستاش پۆلیسی كەنەدا ژمارەی قوربانیەكان و ناسنامەی شۆفێرەكە یان هۆكاری پشت رووداوەكەی ئاشكرا نەكردووە.

Additional footage from the scene of the incident at the Lapu Lapu Festival in Vancouver, Canada, in which an individual drove through a crowd of festivalgoers on a closed-off street, with reports right now suggesting 5-10 fatalities and well over a dozen injuries. The suspect is… pic.twitter.com/WNfYp9mXDh

— OSINTdefender (@sentdefender) April 27, 2025

ئیدارەی ئەمریكا ژمارەیەك پەنابەری دیپۆرتکردەوە، لە نێویاندا منداڵێکی توشبوو بە شێرپەنجە هەبووە.

میدیاكانی ئەمریكا بڵاویانكردەوە، ئیدارەی وڵاتەكەیان سێ منداڵی دیپۆرككردووەتەوە  لەگەڵ دایكیاندا كە بە وتەی لێپرسراوانی ئەو وڵاتە بە نایاسایی چوونەتە وڵاتەكەیانەوە، كە  تەمەنیان 4 ساڵ و 7 ساڵ بووە، یەكێكشیان تەمەنی تەنها دوو ساڵ بووە و توشبوونی نەخۆشیی شێرپەنجە بووە.

ئەو رووداوەش كاردانەوەی زۆری لێكەوتەوە، تیری دوتی كە دادوەرێكی ئەمریكیە چەندین بەڵگەی بڵاوكردەوە و  تێیدا سەلمێنراوە كە دیپۆرتكردنەوەی ئەو منداڵە بەو شێوەیە نایاساییە.

هاوكات، ئیدارەی ئەو وڵاتە ئەو بەڵگانەی رەتنەكردەوە بەڵام رایانگەیاند،  دیپۆرتكردنەوەی ئەو منداڵە لەسەر داوای روون و ئاشكرای دایكی منداڵەكە خۆی بووە.

رێوڕەسمی دابەشکردنی خەڵاتی زێڕینی بلە لە شاری سلێمانی بەڕێوەچوو.

خەڵاتی زێڕینی بلە کە ساڵانە لە یادی کۆچی دوایی نووسەر و رۆشنبیری گەورەی کورد، مامۆستا ئیبراهیم ئەحمەددا بەڕێوەدەچێت، دەدرێتە کەسانی نمونەیی لە چەند بوارێکدا.

لە ساڵانی پێشودا خەڵات بەخشرایە؛ دایکی نمونەیی، نووسەری نمونەیی، پاراستنی زمان، دادوەری نمونەی، توێژەری نمونەیی، چالاکوانی نمونەیی، نووسەر و ئەکادیمیستی نمونەیی، دۆستی نمونەیی کورد، رۆژنامەنووس و نووسەری نمونەیی دۆستی کورد.

ئەمڕۆ لە رێورەسمەکەدا هەر یەک لە سەیید موحسین حەکیم و ساڵح حسەین محەممەد، ناسراو بە ساڵح حەیدۆ خەڵاتی زێڕینی ''بلە"یان وەرگرت

هەر لە مەراسیمەکەدا زارا محەمەدی و عوسمان موئمین عەزیز، ناسراو بە مامۆستا عوسمان کێمنەیی خەڵاتی زێڕینی بلەیان پێبەخشرا.

هاوکات یانەی ئامەد سپۆر  و فەهیمە واحید مەجید خەڵاتی زێڕینی بلەی پێبەخشرا.

هەر لە مەراسیمەکەدا شەهید عەبدۆ ئەحمەد عەبدی مستەفا خەلیل عەبدی، ناسراو بە مەزڵوم عەبدی بوونە خاوەن خەڵاتەکە.

جێگەی ئاماژەیەوە ئەمڕۆ لە مەڕاسیمی خەڵاتی زێڕینی بلە بەسەر هەشت کەسایەتی نمونەیی دابەشکرا و بوونە خاوەنی خەڵاتەکە.