کەشناسیی هەرێم پێشبینییەکانی کەشوهەوای ئەمڕۆ و سبەینێی بڵاوکردەوە و ئاماژەی بەوەکرد، پلەکانی گەرما بەرز دەبنەوە و کەش جێگیر دەبێت.

کەشناسیی هەرێم رایگەیاند، ئەمڕۆ هەینی، ئاسمان لە زۆربەى کاتەکاندا ساماڵ دەبێت و هەندێک کات دەگۆڕێت بۆ پەڵەهەور، پلەکانی گەرماش 3 بۆ 5 پلەی سیلیزی بەرز دەبنەوە.

ئاماژەی بەوەشکرد، سبەینێ شەممە، ئاسمان لە زۆربەى کاتەکاندا ساماڵ دەبێت و هەندێک کات دەگۆڕێت بۆ پەڵەهەور، پلەکانی گەرماش 2 بۆ 3 پلەی دیکە بەرز دەبنەوە.

سبەینێ بەرزترین پلەکانی گەرما بە پلەی سیلیزی بەم جۆرە دەبن:

هەولێر : 27  پلەی سیلیزی

سلێمانی : 24 پلەی سیلیزی

دهۆک : 27  پلەی سیلیزی

کەرکوک : 30 پلەی سیلیزی 

زاخۆ  : 28 پلەی سیلیزی

هەڵەبجە : 25 پلەی سیلیزی

سۆران : 26 پلەی سیلیزی

حاجی ئۆمەران : 12 پلەی سیلیزی

گەرمیان :33 پلەی سیلیزی

گەشتیارێك لە سنوری پارێزگای بەسرە بە زیاتر لە چوار هەزار حەبی هۆشبەرەوە دەستگیر كرا.

دەستەی دەروازە سنورییەكانی عیراق لە راگەیەنراوێكدا بڵاویكردەوە، لە ئۆپراسیۆنێكدا بە هاوكاری بەشی تەكنیكی و بەشی ماددە هۆشبەرەكان لە دەروازەی سنوری شەلەمچە، گەشتیارێك دەستگیركراوە، كە بڕی چوار هەزار و 575 حەبی هۆشبەری لە ئامێرێكی كۆسەرەدا شاردبووەوە.

ئەوەشی خستووەتە روو، ئەو گەشتیارە دەیویست ماددە هۆشبەرەکان بیگەیەنێتە ناو خاكی عیراق.

راشیگەیاندووە، تۆمەتبارەكە و كەلوپەلەكانی رەوانەی بەڕێوەبەرایەتی ماددە هۆشبەر و دەروونییەكانی بەسرە كراوە، رێكاری یاسایی بەرانبەر گیراوەتەبەر.

سەرۆك كۆماری ئێران دەڵێت، سوپاكەیان پێشكەوتنی بەهێزی بەدەستهێناوە، هێزەكانیان بەسەر هەموو شتێكدا زاڵ بوون بۆ دابینكردنی پێداویستییەكانی وڵات.

ئەمڕۆ بەبۆنەی رۆژی سوپای ئێران لە تاران رێوڕەسمێكی سەربازی بەڕێوەچوو، لە رێورەسمەكەدا مەسعود پزشكیان سەرۆك كۆماری ئێران لە وتارێكدا ئاماژەی بۆ ئەوەكرد، دەتوانن لە ناوچەكەدا بەهێزەوە، بە ئاڕاستەی ئاشتی و بنیاتنانەوەی پەیوەندییەكان دیالۆگ بكەن.

وتیشی، ئەگەر هێزی سوپا نەبوایە، هەوڵی داگیركردنی وڵاتەكەیان و لەناوبردنی شۆڕش دەدرا، بەڵام دوژمن توانای هاتنە ناو سوپای نەبووە و نابێت.

راشیگەیاند، سوپاكەیان پێشكەوتنی بەهێزی بەدەستهێناوە لە بنیاتنانەوە و دابینكردنی پێداویستییەكانی وڵات، بە هێزی ئاسمانی و وشكانی و دەریایی،  بەسەر هەموو شتێكدا زاڵ بوون.