کەشناسیی هەرێم نزمترین پلەکانی گەرمای تۆمارکراوی ئەمڕۆی ناوچە جیاوازەکانی کوردستانی بڵاوکردەوە و بەپێی ئامارەکان، ناوچە شاخاوییەکان نزمترین پلەکانی گەرمایان تۆمارکردووە.

بەپێی راگەیەندراوێکی بەڕێوەبەرایەتیی گشتیی کەشناسی و بومەلەرزەزانیی هەرێم، ئەمڕۆ دووشەممە نزمترین پلەی گەرما لەسەر ئاستی هەرێم لە ناوچەی حاجی ئۆمەران تۆمارکراوە، کە هەشت پلەی سیلیزی بووە، هاوکات ماوەت بە 10 پلەی سیلیزی لە پلەی دووەمی نزمترین پلەکانی گەرمادا هاتووە.

ئاماژەی بەوەشکردووە، شەپۆلی سەرما و دابەزینی پلەکانی گەرما زیاتر روویان لە ناوچە شاخاوییەکان و سنوورییەکان کردووە، پێشبینیش دەکرێت لە رۆژانی داهاتوودا گۆڕانکاریی زیاتر بەسەر کەشوهەوای ناوچەکەدا بێت.

بەپێی خشتەی تۆمارکراوی کەشناسیی هەرێم، پلەکانی گەرما لە شار و ناوچە جیاوازەکان بەم شێوەیەی خوارەوە بوون:

سلێمانی: 13 پلەی سیلیزی

هەولێر: 15 پلەی سیلیزی

دهۆک:14 پلەی سیلیزی

کەرکووک: 18 پلەی سیلیزی

هەڵەبجە: 13 پلەی سیلیزی

زاخۆ: 17 پلەی سیلیزی

کەلار: 17 پلەی سیلیزی

دەربەندیخان: 19 پلەی سیلیزی

سۆران: 11 پلەی سیلیزی

پێنجوێن:13 پلەی سیلیزی

کۆیە: 18 پلەی سیلیزی

سەرۆکی ئەمریکا تاوتوێی لێدانی سەربازیی دەکات، وەزیری دەرەوەی ئێرانیش جەخت لە نەگۆڕیی هەڵوێستەکانی ئێران دەکاتەوە.

بەپێی راپۆرتێکی ئاژانسی هەواڵی 'سی بی ئێس'ـی ئەمریکی، دۆناڵد ترەمپ، سەرۆکی ئەمریکا رایگەیاندووە، لە نێوان دوو بژاردەدایە، ئایا رێککەوتن لەگەڵ تاران بکات، یان پەنا بباتە بەر کردەی سەربازیی بۆ ئەوەی وەک خۆی دەڵێت "کۆتایی بە کارەکەیان بهێنێت".

لە بەرانبەردا و بەپێی هەمان سەرچاوە، عەباس عیراقچی، وەزیری دەرەوەی ئێران رایگەیاندووە، ئەگەری دەستپێکردنەوەی جەنگ لەگەڵ ئیسرائیل و ئەمریکا، هیچ گۆڕانکارییەک لە هەڵوێستەکانی تاراندا دروست ناکات، ئەوەش دوای ئەوەی ترەمپ ئاماژەی بەوە کردبوو، واشنتۆن رەنگە هێرشێکی دیکە بکاتە سەر ئێران.

هاوکات، تاران هۆشدارییەکی توندی دایە واشنتۆن و جەختی کردەوە، لە ژێر هیچ بارودۆخێکدا رێگە بە کەشتییە جەنگییەکانی ئەمریکا نادرێت بچنە ناو کەنداو.

دەستەی گشتیی کەشناسیی عیراق ئاشکرایکرد، بەپێی دواین پێشبینییەکانی کەشوهەوا، لە ئێوارەی رۆژی سێشەممەوە، عیراق و هەرێمی کوردستان دەکەوێتە ژێر کاریگەریی شەپۆلێکی بارانبارینی پاییزە کە بۆ چەند رۆژێک بەردەوام دەبێت.

کەشناسیی عیراق ئاماژەی بەوەشکرد،، شەپۆلەکە لە سەرەتا نە نمەباران و پچڕ پچر دەبێت و لە رۆژانی دواتردا شەپۆلی بارانبارینەکە کاریگەری زیاتر دەبێت.

کەشناسیی عیراق راشیگەیاند، رێژەی باران بارینەکە لە ناوچەکانی ناوەڕاست و هەرێمی کوردستان زیاتر دەبێت، هاوکات ئەگەری هەورەبروسکە و بارانی بەلێزمە و رەشەبا و خۆڵبارین هەیە.

دەستەی کەشناسی ئاماژەی بەوەش کردووە کە شەپۆلەکە لە سەعاتەکانی رۆژی شەممەدا لاواز دەبێت و کۆتایی پێدێت، بەڵام پێشبینی دەکرێت لە ناوەڕاستی هەفتەی داهاتوودا شەپۆلێکی تری بارانبارین روو لە ناوچەکە بکاتەوە.