سەرۆك وەزیرانی عیراق پڕۆژە یاسایەكی 24 ساڵی رەوانەی ئەنجومەنی نوێنەران دەكات و چەند یاسایەكی تریش بۆ بوژاندنەوەی رەوشی ئابووری هەموار دەكرێنەوە.

عەلی زەیدی سەرۆك وەزیرانی عیراق لەگەڵ وەفدێكی نەتەوە یەكگرتووەكان كۆبوویەوە، لە كۆبوونەوەكەدا زەیدی ئاماژەی بەوە كرد، حكومەتەكەیی بە ئاڕاستەی ئامادەكردنی پلانێكی گشتگیر بۆ گەشەپێدان تا ساڵی 2050 هەنگاو دەنێت، ئەم پڕۆژەیەش لە شێوەی یاسایەكدا دەبێت و دەخرێتە بەردەم ئەنجومەنی نوێنەران بۆ پەسەندكردنی.

زەیدی دووپاتیشیكردەوە، حكومەتەكەی بە ئاراستەی بەدیهێنانی گەشەپێدانێكی گشتگیر لە سەرجەم بوارەكاندا هەنگاو دەنێت، بۆ ئەو مەبەستەش پێداچوونەوە بە سەرجەم ئەو یاسایانەدا دەكات كە رەوشی ئابووری بەرەو باشتر دەبات.

سەرۆكی ئەمریكا دەڵێت، دوای ئیمزاكردنی رێككەوتنەكە لە سویسرا، گەروی هورمز بە تەواوی دەكرێتەوە و پەیوەندییەکی باشیشیان لەگەڵ ئێران دەوێت کە ببێتە مایەی قازانج بۆ هەموو لایەک.

دۆناڵد ترەمپ سەرۆكی ئەمریكا لە میانی كۆبوونەوەی لەگەڵ هاوتا فەڕەنسیەكەی وتی، 19ی ئەم مانگە دوای تەواوبوونی پرۆسەی لابردنی مینە دەریاییەكان، گەروی هورمز بەبێ وەرگرتنی رسوومات دەكرێتەوە و بە تەواوی دەكرێتەوە.

ئاماژەی بەوەش كرد، جەی دی ڤانس، جێگری سەرۆك بەشداری لە رێوڕەسمی ئیمزاكردنی رێككەوتنەكە دەكات لە سویسرا.

ترەمپ ئاماژەی بەوەش كرد، پەیوەندییەكی باشی لەگەڵ ئێران دەوێت كە ببێتە مایەی قازانج بۆ تەواوی رۆژهەڵاتی ناوەڕاست.

سەرۆكی ئەمریكا باسی لەوەش كرد، ئێران رازی بووە چەكی ئەتۆمی نەبێت و بۆ كێشەی لوبنانیش لەگەڵ ئیسرائیل گفتوگۆ دەكەن.

دوپاتیشیكردەوە، ئێستا سەركردایەتییەكی ژیر لە ئێراندا هەیە، لەگەڵ ئەوەشدا رێككەوتنی ئێستا لەگەڵ ئێران جیاوازە لە رێككەوتنە خراپەكەی ئۆباما.

جێگری سەرۆكی ئەمریكا ئاشكرایدەكات، دەقی رێككەوتنەكەی نێوان واشنتۆن و تاران لەم هەفتەیەدا بڵاودەكرێتەوە و دوپاتیشیدەكاتەوە، رێككەوتنەكە رێگرییەكی درێژخایەنە بۆ ئەوەی ئێران هەرگیز چەكی ئەتۆمی بەدەستنەهێنێت.

جەی دی ڤانس، بە كەناڵی سی ئێن بی سی راگەیاند، هیوایان هەیە دەقی رێككەوتنەكەیان لەگەڵ ئێران لەم هەفتەیەدا بڵاوبكرێتەوە، پێشیوایە ئیسرائیل لەكۆتاییدا رێككەوتنەكە هەر قبوڵ بكات.

ئاماژەی بەوەش كرد، چاوەڕوان دەكرێت لەكاتی ئیمزاكردنی رێككەوتنەكە، سەرۆكی پەرلەمان و وەزیری دەرەوەی ئێران و چەند نوێنەرێكی تری ئەو وڵاتە ئامادە بن.

رونیشیكردەوە، پابەندییەكی درێژخایەن هەیە كە زامنی ئەوە دەكات ئێران هەرگیز چەكی ئەتۆمی پەرە پێ نەدات یان بەدەستی نەهێنێت، هەروەها، بێبەش دەبێت لە سوودبینین لە هەر بڕە پارەیەك بۆ بنیاتنانەوەی بەرنامە ئەتۆمییەكەی.

ڤانس وتیشی، ئەمریكا چاوەڕوان دەكات گەرووی هورمز لە دوورمەودادا بەبێ هیچ باج و رسوماتێك بكرێتەوە، ئەوەش یەكێكە لەو بابەتانەی لە دانوستانە تەكنیكییەكاندا باسی دەكەن.