گروپە چەکدارەکانی سەر بە حکومەتی دیمەشق لە حەسەکە هێرشیانکردە سەر هێزەکانی سوریای دیموکرات، سێ ئەندامی هەسەدە بەهۆی هێرشەکەوە برینداربوون.

هێزەکانی سوریای دیموکرات 'هەسەدە' لە راگەیەنراوێکدا بڵاویکردەوە، گروپێکی چەکداری سەر حکومەتی دیمەشق، هێرشێکی نوێیان بۆ سەر هێزەکانی هەسەدە لە حەسەکە ئەنجامداوە، کە ئەو گروپە چەکدارە فڕۆکەی بێ فڕۆکەوان و چەکی قورسیان بەکارهێناوە.

ئاماژەی بەوەشکردووە، ئەو گروپە چەکدارانە لە رۆژهەڵاتی حەسەکە هێرشیانکردووەتە سەر هێزەکانیان، هەروەها گوێیان نەداوەتە ئاسایشی هاووڵاتیانی مەدەنی و سەقامگیری ناوچەکە .

هەسەدە ئەوەشی خستەڕوو، وەڵامی هێرشەکەیان داوەتە تێکیانشکاندووە، هەروەها جەختیشدەکاتەوە لەئەگەری دووبارەبوونەوەی ئەو هێرشانەدا بێدەنگ نابن و رێوشوێنی گونجاو دەگرینەبەر بۆ پاراستنی ناوچەکانیان، هێزەکانیان و گەلەکەیان لە هەر هەڕەشەیەک.

ئاشکراشیکرد، لە ئەنجامی ئەو هێرشەدا سێ ئەندامی هێزەکانیان بە سوکی برینداربوون، هەروەها زیانی زۆر بە گروپە چەکدارەکانی سەر بە حکومەتی دیمەشق گەشتووە.