دادگاییكردنی تۆمەتباری سەرەكی دۆسێی دزیی سەدە لە عیراق بەڕێوەدەچێت
١١ی ئابی ٢٠٢٤
نوێترین هەواڵەکان
سەرۆكایەتی كۆماری عیراق هەر جۆرە دەستێوەردانێكی دەرەكی بۆ پێكهێنانی حكومەت رەتدەكاتەوە و دەڵێت، ئەوە پرسێكی نیشتمانییە.
سەرۆكایەتی كۆمار لە راگەیەندراوێكدا هەر جۆرە دەستێوەردانێكی دەرەكی لە كاروباری سیاسی و نێوخۆیی وڵاتدا رەتكردووەتەوەو رایگەیاندووە، پرسە نێوخۆییەكان سەروەرییەكی تەواوی عیراقییەكانن و تەنها گەل خۆی بەپێی دەستوور و پرۆسەی دیموكراسی بڕیاریان لەسەر دەدات.
جەخت لەوەش دەكاتەوە، رێزگرتن لە سەروەری نیشتمانی پایەیەكی سەرەكییە بۆ بونیادنانی دەوڵەت و چەسپاندنی سەقامگیری، بەتایبەت لە پرۆسەی پێكهێنانی حكومەتدا كە دەبێت لەسەر بنەمای ئەنجامی هەڵبژاردنەكان بێت، وەك گوزارشتێك لە ئیرادەی راستەقینەی هاووڵاتیان.
هەروەها سەرۆكایەتی كۆمار دەڵێت، عیراق پەیڕەوی سیاسەتێكی دەرەكی هاوسەنگ دەكات كە لەسەر بنەمای كرانەوە، هاوكاری ئەرێنی و رێزی یەكتری بونیاد نراوە.
لە راگەیەندراوێکی هاوبەشدا، ئەمریکا، فەرەنسا، ئەڵمانیا و بەریتانیا داوا لە لایەنەکانی سوریا دەکەن بە خێرایی بگەنە رێککەوتن لەسەر ئاگربەستی هەمیشەیی و لە زوترین کاتدا گفتوگۆکان بە ئامانجی گەیشتن بە یەکگرتنی ئاشتیانە ئەنجامبدەن.
ئەمڕۆ پێنجشەممە، هەریەکە لە ئەمریکا، فەرەنسا، ئەڵمانیا و بەریتانیا راگەیەندراوێکی هاوبەشیان لەسەر رەوشی سوریا بڵاوکردەوە و داوا لە هەموو لایەنەکانی سوریا دەکەن، کە بە خێرایی بگەنە رێککەوتن لەسەر ئاگربەستی هەمیشەیی .
راگەیەنداروەکە لە لایەن باڵیۆزخانەی ئەمریکاوە لە دیمەشق بڵاوکراوەتەوە و پێشوازی لە درێژکردنەوەی ئاگربەستی 15 رۆژەی نێوان هێزەکانی حکومەتی سوریا و هێزەکانی سوریای دیموکرات (هەسەدە) کراوە، داواش لە هەموو لایەنەکان دەکات بە توندی پابەندی ئاگربەستەکە بن و خۆیان بەدور بگرن لە هەر هێرشێک بۆسەر یەکتری.
ئەو وڵاتانە، پێشوازیان لەو رۆڵە گرنگە کردوە کە حکومەتی هەریمی کوردستان، عیراق، هەسەدە و حکومەتی سوریا دەیگێڕن لە روبەڕوبونەوەی داعشدا
لە راگەیەندراوەکەدا پابەندبونی هەموو لایەنەکان بۆ پاراستنی هاووڵاتیانی مەدەنی و ژێرخانی مەدەنی دووپاتکراوەتەوە و پێشوازی لە دامەزراندنی رێڕەوی مرۆیی دەکەن بۆ دڵنیابوون لە گەیاندنی سەلامەت و بێ بەربەستی هاوکارییە مرۆییەکان.
جەختیان کردوەتەوە لە پێویستی پاراستنی هەوڵەکان بۆ روبەڕوبونەوەی چەکدارەکانی داعش و داوایان لە هەموو لایەنەکان کردوە، رێگەنەدەن بە دروستبونی بۆشای ئەمنی لە دەوروبەری ناوەندەکانی دەستبەسەرکردنی چەکدارەکانی داعش.
بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد چاویکەوت بە د. هومام حەموودی، سەرۆکی ئەنجوومەنی باڵای ئیسلامی لە عیراق.
لە دیدارێکدا کە قوباد تاڵەبانی و دەرباز کۆسرەت رەسوڵ، ئەندامانی مەکتەبی سیاسی ئامادەیبوون، دووپات لە پابەندبوون بە وادە دەستوورییەکان بۆ تەواوکردنی رێکارە یاساییەکان کرایەوە کە گرەنتی هاوسەنگی و هاوبەشێتی لە وڵاتدا بکات.
هەردوولا هاوڕابوون کە پێویستە هەموو لایەنەکان پابەندبن بە وادەی دەستووری هەڵبژاردنی سەرۆککۆمار و رۆژی یەکشەممەی داهاتوو ئەم پرۆسەیە بەڕێوەبچێت تاوەکو وڵات نەکەوێتە بۆشایی دەستوورییەوە.