راهۆز
١٧ی تشرینی دووەمی ٢٠٢٥
کۆمسیۆنی باڵای سەربەخۆی هەڵبژاردنەکان رایگەیاند، ئەو ئەنجامە کۆتاییانەی هەڵبژاردنی پەرلەمانی عیراق کە ئەمڕۆ راگەیەندران، لە سبەی سێشەممەوە شایەنی تانەلێدانن.
بەپێی راگەیەندراوێکی کۆمسیۆن، پرۆسەی وەرگرتنی تانە لە ئەنجامەکان بۆ ماوەی سێ رۆژ بەردەوام دەبێت.
نوێترین هەواڵەکانوەزارەتی دارایی و ئابوریی هەرێمی کوردستان لە رونکردنەوەیەکدا رەتیدەکاتەوە هیچ بڕیارێکی نوێ لە بەغداوە بۆ دابەشکردنی موچەی ساڵی 2026 گەیشتبێت و داوا دەکات یاری بە هەستی موچەخۆران نەکرێت.
وەزارەتەکە لە راگەیەندراوێکدا چوار خاڵی بۆ رای گشتی خستووەتەڕو:
1. تا ئێستا هیچ بڕیار و رێنماییەک لە وەزارەتی دارایی عیراقەوە بۆ چۆنێتیی خەرجکردنی موچەی ساڵی 2026 نەگەیشتووە.
٢. هیچ رێککەوتن و بڕیارێکی نوێ بۆ دابەشکردنی موچە لە ئارادا نییە.
٣. وەزارەتی دارایی وەک ساڵانی رابردو لە جێبەجێکردنی هەنگاوەکانی دابەشکردنی موچە بەردەوامە.
٤. هیچ کێشەیەک بۆ ناردنی لیستی موچە و تەرازووی پێداچوونەوە نییە و چاوەڕێی رێنمایی نوێن لە بەغداوە.
وەزارەتی دارایی ئاماژەی بەوەشکردووە، ماوەیەکە زانیاریی نادروست لەسەر لیستی موچە و بابەتی 120 ملیار دینارەکە بڵاودەکرێتەوە، بۆیە داوا دەکات هەرکەس و لایەنێک شارەزا نییە خۆی لە بڵاوکردنەوەی زانیاریی هەڵە بەدوور بگرێت و بۆ دەستکەوتی سیاسی یاری بە هەست و سۆزی فەرمانبەران نەکات.
ستیڤ ویتکۆڤ، نێردەی تایبەتی سەرۆکی ئەمریکا بۆ ئەرکەکانی ئاشتی رایگەیاند، شاندێکی باڵای ویلایەتە یەکگرتووەکانی ئەمریکا لەگەڵ بنیامین ناتانیاهۆ، سەرۆک وەزیرانی ئیسرائیل کۆبوونەوە و گفتوگۆیان لەسەر قۆناغی دووەمی پلانی 20 خاڵیی دۆناڵد ترەمپ بۆ غەززە کرد.
ویتکۆڤ ئاماژەی بەوەکردووە، وەفدەکە پێکهاتبوو لە خۆی و جارید کۆشنەر، ئاریە لایتستۆن و جۆش گرینباوم. تەوەری سەرەکیی کۆبوونەوەکە تاوتوێکردنی بەرەوپێشچوون و پلانی جێبەجێکردنی قۆناغی دووەمی دەستپێشخەرییەکەی سەرۆکی ئەمریکا بووە بۆ کەرتی غەززە و پرسەکانی ناوچەکە.
بەپێی راگەیەندراوەکەی نێردەی تایبەت، هەردوولا جەختیان لە هاوبەشیی نزیک و هەماهەنگیی بەردەوام کردووەتەوە و گفتوگۆکانیان بە "بونیادنەر و ئەرێنی" وەسف کردووە. هەروەها هەردوولا هاوڕابوون لەسەر هەنگاوەکانی داهاتوو و گرنگیی بەردەوامیی هاوکارییەکان لە پرسە گرنگەکانی ناوچەکەدا.
محەمەد شیاع سودانی، سەرۆک وەزیرانی عیراق رایدەگەیەنێت، پلانی ساڵی 2026 بە ئامانجی گەیشتنە بە خۆژێنی لە هەموو بەرهەمە نەوتییەکان و هەنگاونان بەرەو هەناردەکردن.
ئەمڕۆ یەکشەممە، سودانی بە ئامادەبوونی وەزیری نەوت و بەرپرسانی پەیوەندیدار سەرپەرشتی کۆبوونەوەیەکی کرد دەربارەی دۆسییەی نەوت و غاز.
لە کۆبوونەوەکەدا پەرەپێدانی پڕۆژەکانی غاز لە کێڵگەکانی (ئەرتاوی، عەکاز و مەنسوریە) تاوتوێ کرا. هەروەها بەدواداچوون بۆ گرێبەستەکانی خولی پێنجەمی مۆڵەتپێدان بۆ کێڵگەکانی (نەفتخانە، خەشم ئەحمەر، کەمەر – کەلابات) کرا.
سەرۆک وەزیران جەختی لە تەواوکردنی پڕۆژەکان کردەوە وەک گۆڕانکارییەکی بنەڕەتی بۆ گەیشتن بە خۆژێنی لە بەنزین و سەرجەم بەرهەمە نەوتییەکان و زیادکردنی توانای پاڵاوتن و داهاتی وڵات.
