لە توركیا لە كاتی سەربڕینی ئاژەڵاندا بۆ جەژنی قوربان زیاتر لە 14 هەزار كەس بریندار بوون.

كەمال مەمیش ئۆغڵو وەزیری تەندروستی توركیا رۆژی شەممە لە هەژماری تایبەتی خۆی لە تۆڕی كۆمەڵایەتی ئێكس دووپاتی كردەوە كە ئەگەر پڕۆسەی سەربڕین لە لایەن كەسانی پسپۆڕەوە ئەنجام بدرایە ئەوە هیچ كەسێك زیانی بەرناكەوێت.

ئاماژەی بەوەشكرد، لە یەكەم رۆژی جەژندا 14 هەزار و 372 كەس لە نەخۆشخانە خەوێندراون بەهۆی برینداربوونیان لەكاتی سەربڕینی ئاژەڵ، كە هەزار و 49 كەسیان لە ئەنقەرە و 753 كەس لە ئەستەنبوڵ و 655 لە كۆنیا، 634 لە غازی عەنتاب، 572 لە مانیسا، و ئەوانی دیكە لە 81 پارێزگا دیكەی توركیا بوون.

موسڵمانان لە سەرانسەری جیهان لە كۆتای رۆژی مەراسیمی حاجیان لە مەككە جەژنی قوربان دەكەن كە ئەمساڵ هاوتابوو لەگەڵ 6ی حوزەیرانی 2025.

ملیاردێری ئەمریکی ئیلۆن ماسك، زنجیرەیەک لە تویتەکانی سڕییەوە کە تیایاندا سەرۆکی ئەمریکا دۆناڵد ترامپی تۆمەتبارکردبوو بە ئەوەی ناوی لە دۆسیەکانی جێفری ئێپستین دایە کە بە تاوانەکانی "بازرگانیی سێکسیی منداڵان"تاوانبارکراوە.

کاتێک هەوڵ دەدرێت دەستڕاگەیشتن بە یەکێک لەم تویتانە بکرێت، پەیامی "ئەم لاپەڕەیە بوونی نییە" بۆ بەکارهێنەران دەردەکەوێت، کە دڵنیایی لە سڕینەوەکە دەکاتەوە.

وردەکاری گرژی نێوان مەسک و ترەمپ:

لە رۆژی پێنجشەممەدا، مەسك لە سەعات 3:10ی پاش نیوەڕۆ بە کاتی رۆژهەڵاتی ئەمریکا پۆستێکی بڵاوکردەوە کە تیایدا بانگەشەی بەشداربوونی ترەمپی لە کێشەی ئێپستاین دەکرد، پاشان لە کاتژمێر 4:43ی پاش نیوەڕۆدا ڤیدیۆیەکی بڵاوکردەوە کە ترەمپی لە ئاهەنگێکدا لەگەڵ ئێپستاین نیشاندەدا.

وەڵامی کۆشکی سپی بۆ مەسک:

لەوەڵامی ئەم تۆمەتانەدا، کارۆلاین لیڤیت وتەبێژی کۆشکی سپی لە ئێوارەی پێنجشەممەدا راگەیەندراوێکی بڵاوکردەوە کە تیایدا بانگەشەکانی مەسكی وەک "شتێکی بێبنەما" وەسفکرد.

لیڤیت لە لێدوانێکیدا بۆ تۆڕی "سی ئێن ئێن" رونیکردەوە کە "ئەم روداوە ناڕەزایەتیی مەسك دەردەخات لە پڕۆژەی یاسای گەورە کە سیاسەتە دڵخوازەکانی لەخۆناگرێت، لەکاتێکدا سەرۆک سەرقاڵی پەسەندکردنی یاسا مێژووییەکانە کە شکۆ بۆ ئەمریکا دەگەڕێنێتەوە".

دۆسییەکەی ئێپیستین چییە؟

لە بەرەبەیانی ئەمڕۆ شەممەدا، هێزەکانی روسیا شارى خارکێڤ، دووەم گەورەترین شاری ئۆکراینیان بە موشەک و فڕۆکەی بێفڕۆکەوان (درۆن) بۆردوومان کرد، کە سەرۆکی شارەوانیی ئەم شارە دەڵێت لەوەتەی جەنگەکە دەستیپێکردووە بەم توندییە شارەکەی نەکراوەتە ئامانج.

لەم چەند هەفتەیەی دواییدا روسیا و ئۆکراین لەحاڵێکدان کە لە بواری دانوستاندا هەوڵی دۆزینەوەی رێگەچارەیەک بۆ ئاشتی دەدەن، لە بەرەکانی جەنگیشدا هێرشە توندەکانیان بۆسەر یەکدی زیاتر کردووە.

ئیگۆر تیریخۆف، سەرۆکی شارەوانیی خارکێڤ لە راگەیاندنەکەیدا ئاماژەی بەوە کرد کە لەماوەی یەک کاتژمێر و نیوی بۆردوومانەکەدا زیاتر لە 40 تەقینەوە شارەکەی هەژاندووە.

هەروەها ناوچەی کیفسکیی نیشتەجێبوون کراوەتە ئامانج، کە ئەم هێرشانە بووەتەهۆی کوژرانی پێنج هاووڵاتی و برینداربوونی 17 کەسی دیکە.

لە هەڵوێستێکی پێشوودا، ڤیلادیمیر پوتن سەرۆکی روسیا لە هەفتەی رابردوودا بەڵێنیدابوو وەڵامی هێرشەکانی فڕۆکە بێفڕۆکەوانەکانی ئۆکراین بداتەوە کە چەندین فڕۆکەی سەربازیی روسیایان کردەئامانج و تێکیانشکاندن.

هەوڵەکانی ئاشتی و شکستی دانوستان

لە دانوستانەکانی ئاشتی کە لە رۆژی دووشەممەی رابردوو لە شاری ئیستانبوڵ بەڕێوەچوو، ئۆکراین داوای ئاگربەستی دەستبەجێ و بێمەرجی بۆماوەی 30 رۆژ کردبوو و دوایین پێشنیازەکانی خۆی لەمبارەیەوە بە مۆسکۆ دابوو، بەڵام روسیا ئەم داواکارییانەی رەتکردووەتەوە.

لە بەرامبەردا، ئەلێکساندەر ساڤچوک وتەبێژی گروپی هێزەکانی ناوەندیی سوپای روسیا رایگەیاند کە لەماوەی 24 کاتژمێری رابردوودا زیاتر لە 455 سەربازی ئۆکراین لە چەند هێرشێکدا کوشتووە.

هەروەها دەڵێت لە هێرشەکانی بەرەبەیانی ئەمڕۆدا توانیویانە 82 فڕۆکەی بێفڕۆکەوانی ئۆکرانی تێکبشکێنن.