کوردسات نیوز
٥ی تشرینی دووەمی ٢٠٢٣
ئەنتۆنی بلینکن، وەزیری دەرەوەی ئەمریکا بە سەردانێکی کورت و پێشتر رانەگەیەندراو گەیشتە بەغداد و لەگەڵ محەمەد شیاع سودانی، سەرۆکوەزیرانی عێراق کۆبووەوە، دوای کۆبووەکەش رایگەیاند، واشنتن و بەغداد پیویستە پارێزگاری لە بەرژەوەندییە ھاوبەشەکانیان بکەن.
وتیشی، سەرۆکوەزیران سەرکۆنەی ھێرشکردنەسەر بنکەکانی ئەمریکای لە وڵاتەکەی کردووە و کاریش دەکات بۆ رێگرتن لە دووبارەبوونەوەیان
نوێترین هەواڵەکانوەزارەتی کشتوکاڵی عێراق، رۆژی دووشەممە، رایگەیاند کە دەستیان کردووە بە جێبەجێکردنی چەند رێکارێکی خێرا بۆ رێگریکردن لە یاری کردن بە نرخی هێلکەی دوای ئەوەی لە ماوەی پێشودا نرخەکەی بە شێوەیەکی بەرچاو بەرزبووەوە و وەزارەت فەرمانی بە فەرمانگە پەیوەندیدارەکان کردووە چاودێری بازاڕەکان بکەن و سزای یاسایی ئەو کەسانە بدەن کە نرخەکان گران دەکەن
مەهدی سەهر جبوری بریکاری کارگێڕی لە وەزارەتی کشتوکاڵ لە لێدوانێکدا رایگەیاند کە: لایەنە پەیوەندیدارەکان تێبینی بەرزبوونەوەی نرخی هێلکەیان کردووە لە بازاڕەکانی کۆفرۆشی لە بەغدا و پارێزگاکان بە جۆرێک نرخی کارتۆنێک هێلکەی سوور 70 هەزار دیناری تێپەڕاندووە لە کاتێکدا نرخی دیاریکراو لە نێوان 60 بۆ 65 هەزار دیناردایە.
بۆ ئەم مەبەستە وەزارەت نووسراوی فەرمی ئاراستەی دەزگای ئاسایشی نیشتمانی و بەڕێوەبەرایەتییەکانی بەرەنگاربوونەوەی تاوانی رێکخراو و ئاسایشی ئابووری کردووە بۆ دەستگیرکردنی سەرپێچیکاران هەروەها بڕیاردراوە ئاسانکاری تەواو بکرێت بۆ گواستنەوەی هێلکە لە نێوان پارێزگاکان بە تایبەتی گواستنەوەی بەرهەمی پڕۆژە مۆڵەتپێدراوەکانی هەرێمی کوردستان بەرەو پارێزگاکانی ناوەڕاست و باشووری عێراق بۆ ئەوەی بڕی پێویست لە بازاڕەکاندا هەبێت و نرخەکان جێگیر ببنەوە و ڕێگری لە قۆرخکاری بازرگانان بکرێت
وەزارەتی دەرەوەی ئێران ڕایگەیاند کە هیچ پلانێک بۆ ئەنجامدانی گەڕی دووەمی دانوستان لەگەڵ ئەمریکا لە ئارادا نییە.
ئیسماعیل بەقایی وتەبێژی وەزارەتی دەرەوەی ئێران رایگەیاند کە لە ئێستادا هیچ بەرنامەیەک بۆ گەڕی دووەمی دانوستان لەگەڵ ئەمریکا نییە و جەختی کردەوە کە واشنتن نیشانی داوە لە پرۆسەی دیپلۆماسیدا جدی نییە و چەندین کردەوەی شەڕەنگێزانەی ئەنجامداوە و بەندەکانی رێککەوتنی ئاگرەبەستی پێشێل کردووە.
هاوکات ئاژانسی ڕۆیتەرز لە زاری سەرچاوەیەکی باڵای ئێرانییەوە بڵاویکردەوە کە بەردەوامی گەمارۆکانی ئەمریکا بۆ سەر دەربەندی هورمز دەبێتە هۆی تێکدانی گفتوگۆکانی ئاشتی لە نێوان هەردوو وڵاتدا و ئەو سەرچاوەیە جەختیشی کردەوە کە تواناکانی بەرگری ئێران لە نێویشیاندا بەرنامەی موشەکی بە هیچ شێوەیەک جێگەی وتووێژ و دانوستان نین
وەزارەتی دەرەوەی چین نیگەرانی خۆی دەربڕی بەرانبەر رێگری لێکردنی زۆرەملێ و دەستبەسەرداگرتنی کەشتییەکی بارهەڵگری ئێرانی لەلایەن هێزی دەریایی ئەمریکاوە.
وەزارەتی دەرەوەی چین رایگەیاند کە دۆخی ناوچەی گەروی هورمز زۆر هەستیار و ئاڵۆزە و پێویستە هەلومەرجێکی گونجاو بڕەخسێنرێت بۆ کۆتاییهێنان بە جەنگ و کەمکردنەوەی گرژییەکان لە ناوچەکەدا.
