نوسینگەی نەتەوە یەکگرتووەکان بۆ هەماهەنگی کاروباری مرۆیی (ئۆچا) ئاوارەبوونی زیاتر لە 170 هەزار کەسی لە 6ی مانگی یەکی ئەمساڵەوە  لە حەلەب و حەسەکە و رەقە پشتڕاستکردەوە بەهۆی هێرشەکانی ئەم دواییەی چيکدارەکانی سوریاوە بۆسەر ئەو ناوچانە.

رێکخراوی ئۆچا، لە سوریا پشتراستی کردوەتەوە، بەهۆی هێڕشی چەکدارەکانی سوریاوە، بۆ سەر ئەو ناوچانەی شەڕ تێیدا ڕوداوە، زیاتر لە 170 هەزار هاووڵاتیی ئاوارەبوون ، ئەم جگە لەوەی ماوەی هەفەتەیەک بە بەردەوامی پچڕانی کارەبا و ئینتەرنێت لە کۆبانێ پچراوە بەهۆی گەمارۆکانی سەر ئەو شارەوە.

ئۆچا دووپاتی کردەوە کە نەتەوە یەکگرتووەکان و هاوبەشەکانی بەردەوامن لە پشتیوانیکردنی وەڵامدانەوەی مرۆیی لە باکوری رۆژهەڵاتی سوریا. لەو چوارچێوەیەدا دوێنێ کاروانێکی هاوبەشی مرۆیی نێوان دەزگاکان گەیشتنە شاری قامیشلۆ، کە خواردن و جلوبەرگی زستانە و بەتانی و پێداویستییە سەرەکییەکانی دیکەیان پێبوە و هەروەها ئاماژەی بەوەشکردوە لە چەند رۆژی داهاتوودا، کاروانی زیاتری هاوکاریی رەوانەی ئەو ناوچانەدەکرێت

لای خۆشیەوە ستیفان دوجاریک، وتەبێژی نەتەوە یەکگرتووەکان رایگەیاندوە، بە گویرەی زانیارییەکانیان،  هێشتا خزمەتگوزاری کارەبا و ئینتەرنێت لە شاری کۆبانێ نەگەڕاوەتەوە و  ئەمەش ئازاری ئەو دانیشتووانەی کە لە ئێستاوە بە رەوشیكی مرۆیی ترسناک  و سەختدا تێدەپەڕن، بەهۆی گەمارۆکانی چەکدارەکانی سوریاوە  زیاتر دەکات.

کەشناسی هەرێم رایگەیاند، لەنیوەڕۆی ئەمڕۆوە کاریگەری شەپۆلێکی بارانبارین روو لە ناوچە جیاجیاکانی هەرێم دەکات و سەرەتا لە پارێزگای دهۆک باران دەبارێت و دواتر تەواوی ناوچەکان دەگرێتەوە و پلەکانی گەرماش دوو بۆ سێ پلە نزمدەبنەوە.

بەڕێوەبەرایەتی بومەلەرزەزان و کەشناسی هەرێم پێشبینی بۆ 48 سەعاتی داهاتووی کەشوهەوا بڵاوکردوەتەوە و بە گوێرەی پێشبینییەکان پلەکانی گەرما دوو بۆ سێ پلە دادەبەزن و لە چیاکانیش بەفر دەبارێت و لە دوانیوەڕۆوە کاریگەری ئەو شەپۆلە زیاد دەکات.

کەشانسی ئاماژەی بەوەشکردوە، لە دوای نیوەڕۆوە کاریگەری ئەو شەپۆلی بارانبارینەکە زیاد دەکات و بە شێوەی بارانی مامناوەند بە گشتی تەواوی ناوچەکانی هەرێم  دەگرێتەوە.

لەبارەی کەشی سبەینێشەوە ئاماژەیان بەوەکردوە، کاریگەری شەپۆلی بەفر و باران نامێنێت و ئاسمان دەبێتەوە بە ساماڵ و پەڵەهەور و تەنها لە ناوچە شاخاویەکان نمەباران بەردەوام دەبێت.

بەرزترین پلەکانی گەرمای پێشبینیکراو بە پلەی سیلیزی بۆ رۆژی پێنجشەممە بەم شێوەیەیە؛

هەولێر : 11 پلەی سیلیزی

پیرمام : 8 پلەی سیلیزی

سۆران : 5 پلەی سیلیزی

حاجی ئۆمەران : 1 پلەی سیلیزی

سلێمانی : 8 پلەی سیلیزی

چەمچەماڵ: 9 پلەی سیلیزی

هەڵەبجە : 9 پلەی سیلیزی

دهۆک : 10 پلەی سیلیزی

زاخۆ : 11 پلەی سیلیزی

ئاکرێ : 11 پلەی سیلیزی

هەسەدە رایگەیاند، گروپە چەکدارەکانی سوریا، بە حەوت درۆنی خۆکوژ، هێرشیان کردوەتە سەر گوندی باقیلە لە باشوری جەل ئاغا لە سنوری کۆبانێ و بەردەوام گروپەچەکدارەکان سەرقاڵی کۆکردنەوەی هێزن .

لەسەررەوشی ئێستای رۆژئاوا هەسەدە راگەیەندراوێکی بڵاوکردوەتەوە و تێیدا هاتووە، گروپە چەکدارەکانی سرویا بەردەوامن لە پێشێلکاری و  شکاندنی ئاگربەست، لە نوێترین هێڕشیاندا، کە بە حەوت درۆنی خۆکوژ ئەنجامیان داوە گوندی  باقیلە لە باشوری جەل ئاغا لە سنوری کۆبانێ کردوەتە ئامانج.

ئاماژەیان بەوەشکردوە، ئەوهێرشە هاوکاتە لەگەڵ کۆکردنەوەی هێز و هێرشی ئەو گروپانە بۆ سەر گوندەکانی قاسمیە و زەرکوتەک لە رۆژئاوای کۆبانێ، جگە لە تۆپبارانکردنی دەوروبەری گوندی سەفا لە باشوری جەل ئاغا، کە رەنگدانەوەی هەڵکشانی شەری ئەو گروپانەیە لە چەند بەرەیەکەوە.

هەسەدە دەشڵێت؛ ئەو هێرشانە پێشێلکارییەکی نوێ و ئاشکرای ئاگربەست و پێشێلکردنی راستەوخۆی رێککەوتنەکانن و لە بەرانبەردا، هێزەکانیان ناچاربوون وەک مافی رەوای  خۆیان بەربەرچی تەواو هێرشەکان بدەنەوە.