"رەحیم عەبودی" سەرکردە لە رەوتی حیکمە رایگەیاند، لە نزیکترین کاتدا، دانوستانی نێوان چوارچێوەی ھەماھەنگی شیعەکان و رەوتی سەدر دەستپێدەکاتەوە و یەکلاکەرەوە دەبن، ئەوەش دوای ئەوەی لە چەند رۆژی رابردوودا دانوستانەکان لە نێوانیاندا وەستابوو.
سەرکردەکەی رەوتی حیکمە وتیشی، چوارچێوەی ھەماھەنگی سورە لەسەر ھەڵوێستی خۆی، یان ھەموویان پێکەوە رێککەوتن لەگەڵ رەوتی سەدر دەکەن، یان ھیچ لایەنێک پەراوێز ناخەن، ئەگەر نەشگەنە رێککەوتن ئەوا بژاردەی ئۆپۆزسیۆن بوون و بایکۆتکردنی پڕۆسەی سیاسییان لە بەردەمدایە.