سەرچاوەکانی ھەواڵ بڵاویانکردەوە، "حسێن عەلی حسێن" بەڕێوەبەری ئاسایشی فڕۆکەخانەی بەغداد لە درەنگانێکی شەوی رابردووەوە دیار نەماوە، کەسوکار و لێپرسراوانی فڕۆکەوانی مەدەنی و لایەنی پەیوەندیدارەکانیش بەدوایدا دەگەڕێن.
چەند سەرچاوەیەک ئاشکرایانکردووە، میلیشیا چەکدارەکان لە پشت ئەو رووداوەوەن و لە "بەغداد"ی پایتەخت رفاندوویانە. 
ئەو رووداوە لە کاتێکدایە تا ئێستا چارەنووسی دەیان چالاکوان لە خۆپیشاندانەکەی ساڵی ٢٠١٩ەوە دیار نییە و ساڵانە رووداوی رفاندنی تەمومژاوی لە عێراق دووبارە دەبنەوە.