"سەدر" لە تویتێکدا بڵاویکردۆتەوە، زۆرێک لە لایەنەکان مەترسی گەڕانەوەی تیرۆریستان گەورە دەکەن بۆ بڵاوکردنەوەی ترس و تائیفیەت لە وڵاتەکەدا، دەشڵێت پێویستە ھێزەکانی سەرایا سەلام لەپاڵ ھێزە ئەمنییەکانی تر لە ئامادەباشیدابن بۆ روبەڕوبوونەوەی ھەر مەترسییەکی چاوەڕوانکراو، داواشی لە حکومەت کرد توانای سوپای عێراق پتەوتر بکەن، چونکە بەرپرسیارێتی گەل و وڵاتیان لە ئەستۆدایە.
"سەدر" ئەوەشی نوسیوە، نابێت ھەواڵ و دەنگۆی مەترسییەکانی تیرۆر کاریگەری لەسەر حکومەتی زۆرینەی نیشتمانی دروست بکات و بە دووری نەزانیوە کە بەشێک لەو ھەواڵانە پاساوێک بن بۆ گەڕانەوە بۆ خاڵی سفر.