شانەی راگەیاندنی ئەمنی بڵاویکردەوە، ئۆپراسیۆنی ئەمنی بۆ کێوماڵکردنی زنجیرە چیای حەمرین لە پارێزگای "دیالە" ٣ رۆژی خایاندووە و ١٤ بۆردوومانی ئاسمانی ئەنجامدراوە، بەھۆیەوە ٥ تیرۆریستی داعش کوژراون و تەرمی دوو رفێندراویش دۆزراوەتەوە، ھەروەھا ٢٣ مۆڵگەی تیرۆریستان و ١٣ بۆمبی چێندراو و چەندین چەک و تەقەمەنی جیاواز دۆزراونەتەوە. 
 لەو ئۆپراسیۆنەدا، فەرماندەی ئۆپراسیۆنە ھاوبەشەکان و کەرتە ئەمنییەکانی سەر بە فەرماندەی ئۆپراسیۆنەکانی "دیالە" و دەزگای روبەڕوبوونەوەی تیرۆر و ھێزە تایبەتەکان و سوپای عێراق و پۆلیس و حەشدی شەعبی، لە چەند میحوەرێکەوە بەشدار بوون.