مەڵبەندی رێکخستنی خانەقینی یەکێتیی نیشتمانیی کوردستان، دژایەتی توندی خۆی بۆ بڕیاری جیاکردنەوەی ناحیەکانی (قەرەتەپە و جەلەولا) لە قەزای خانەقین راگەیاند و بڕیارەکە بە "پیلانێکی سیاسی و نادەستوری" ناو دەبات.

لە راگەیەندراوێکی رەسمیدا کە ئەمڕۆ 24ی شوباتی 2026 بڵاوکرایەوە، مەڵبەندی خانەقینی یەکێتی جەختی کردوەتەوە کە رێگە نادەن بە ناوی چاکسازی ئیدارییەوە، ناسنامەی مێژوویی و یەکە کارگێڕییەکانی خانەقین بشێوێنرێت. یەکێتی رایدەگەیەنێت کە ئەم هەنگاوە ئامانج لێی لاوازکردنی پێگەی کوردە لە ناوچە دابڕێنراوەکان و بە تەواوی پێچەوانەی مادەی 140ی دەستور و بنەماکانی پێکەوەژیانە.

مەڵبەندی خانەقین پشتیوانی تەواوی خۆی بۆ گەنجان، چالاکوانان و هەر هەڵوێستێکی مەدەنی و ناڕەزایەتییەکی جەماوەری دەربڕیوە کە دژی ئەم بڕیارە بوەستنەوە. راگەیەندراوەکە ئاماژەی بەوە کردوە کە یەکێتی هەمیشە لەگەڵ دەنگی رەوای خەڵکی ناوچەکەیە بۆ پوچەڵکردنەوەی ئەم هەنگاوە نایاساییانە.

لە کۆتایی راگەیەندراوەکەدا، داوا کراوە دەستبەجێ ئەم هەنگاوە رابگیرێت، چونکە یاری کردن بە سنوری ئیداری خانەقین بە "یاری کردن بە سەقامگیری ناوچەکە" وەسف کراوە. یەکێتی دوپاتی دەکاتەوە کە پاراستنی یەکە کارگێڕییەکانی خانەقین ئەرکێکی نیشتمانییە و سازشی لەسەر ناکەن.

بەڕێوەبەرایەتی گشتی نەهێشتنی مادە هۆشبەرەکانی دەزگای ئاسایشی هەرێم لەناوبردنی کۆمەڵێک مادەی هۆشبەری بەشێوەی زانستیانە رادەگەیەنێت.

عەقید کارزان شێرکۆ وتەبێژی دەزگای ئاسایشی هەرێم لە کۆنفرانسێکی رۆژنامەوانیدا رایگەیاند، ئەمڕۆ بە ئامادەبوونی لایەنە پەیوەندیدارەکان ئەو مادە هۆشبەرانەی لە ساڵی 2025 دەستیبەسەردا گیراوە و فەرمانی لەناوبردنی بۆ دەرکراوە ئەمڕۆ بەشێوەیەکی زانستیانە لەناوبرا.

وتیشی، ئەو مادانە لە کۆمەڵێک مادەی جیاواز پێکهاتوون و دەستیان بەسەرداگیراوە، کە پێکهاتبوون لە بڕی( 410 کیلۆ لە جۆری کریستاڵ، 35 کیلۆ تلیاک، 29 کیلۆ حەشیس، سێ کیلۆ رووەکی حەشیش، سێ کیلۆ ماریوانە، یەک کیلۆ هێرۆین، 180 کیلۆ کەپتاگۆن، 32 کیلۆ تۆی شادانە و کۆمەڵێک مادەی تر).

وتەبێژی دەزگای ئاسایشی هەرێم ئاشکرایکرد، لە هەوڵەكانیان بەردەوام دەبن بۆ دەستگیركردنی بازرگانان و بەكارهێنەرانی مادەی هۆشبەر.

بۆ زانیاری زیاتر کلیک لێرە بکە.....