وەزیری دەرەوەی ئەمریكا ئیدانەی داواكاری ئێران بۆ لەسێدارەدانی سەرۆكی ئاژانسی وزەی ئەتۆم دەكات و پاڵپشتی وڵاتەكەی بۆ چاودێریكردنی ئێران لەلایەن ئاژانسەكەوە دوپاتدەكاتەوە.

ماركۆ رۆبیۆ، وەزیری دەرەوەی ئەمریكا لە تۆڕی كۆمەڵایەتیی ئێكس بڵاویكردەوە، داواكاری ئێران بۆ دەستگیركردن و لەسێدارەدانی رافایل گرۆسی، سەرۆكی ئاژانسی نێودەوڵەتی وزەی ئەتۆم قبوڵنەكراوە و پێویستە ئیدانە بكرێت.

وتیشی، ئەمریكا پاڵپشتی لە ئاژانسەكە دەكات بۆ ئەوەی بەردەوامبێت لە لێكۆڵینەوە و چاودێریكردنی ئێران لە پرسە ئەتۆمیەكاندا.

 رۆبیۆ پێزانینی خۆی بۆ پیشەییبوون و هەوڵەكانی ئاژانسی وزەی ئەتۆم لە ئێران دەربڕی و داوای لە تاران كرد ژیانی كارمەندانی ئاژانسی نێودەوڵەتیی وزەی ئەتۆم بپارێزێت و ئاسایش و سەلامەتییان بۆ دابین بكات.

ئەوەش لە كاتیدا دێت، لە ماوەكانی رابردوودا ئێران گرۆسی بە سیخوڕیكردن بۆ ئیسرائیل تۆمەتبار كرد و داوای كرد دەستگیر بكرێت و دادگای بكرێت.