چین گانگ وەزیری دەرەوەی چین، لە کۆڕبەندی دیبلۆماسی لە شەنگەھای رایگەیاند، چەندین لێدوانی سەیر لەبارەی پرسی تایوانەوە دەبیستن، بەڵام چین رووبەڕووی سیستمی نێودەوڵەتی دەبێتەوە کە تاکلایەنە دەیانەوێت رەوشی گەرووی تایوان بە زۆرەملێ بگۆڕن، ھۆشداریشیدا لەوەی ئەو ھەنگاوە بێمانایە و لێکەوتەی مەترسیداری دەبێت. 

وەزیری دەرەوەی چین وتیشی، ھیچ سازشێک لەسەر بەزاندنی سەروەری چین و ئاسایشەکەی ناکەن و ھەر کەسێک بیەوێت یاری بەئاگر بکات لە پرسی تایوان، خۆی دەسوتێت. 

چین، تایوان بە بەشێک لە خۆی دادەنێت و یەکێتی ئەوروپا و ئەمریکا و کۆمەڵەی وڵاتانی حەوتیش پشتیوانی سەربەخۆبوونی دەکەن. 

سوپای چینیش، بۆ ماوەی سێ رۆژ مانۆڕێکی سەربازی لە دەوروبەری گەرووی تایوان ئەنجامدا، وەک وەڵامێک بۆ کۆبوونەوەی سەرۆکی ئەنجومەنی نوێنەرانی ئەمریکا و سەرۆکی تایوان لە واشنتۆن.