محەمەد شیاع سودانی سەرۆك وەزیرانی عیراق رایگەیاند، بوونی چەك لە دەرەوەی دەسەڵاتی دەوڵەت رەتدەكەنەوە و هەوڵەكانیان بەردەوامە بۆ ئەوەی چەك تەنها لە دەستی دەوڵەتدا بێت .

سودانی لە چاوپێكەوتنێكدا لەگەڵ كەناڵی سكای نیوزی عەرەبی رایگەیاندووە ، حكومەتەكەی بەردەوامە لە هەوڵەكانی بۆ ئەوەی چەك تەنها لە دەستی دەوڵەتدا بێت، چونكە بونیی چەك لە دەرەوەی دەسەڵاتی دەوڵەت ، خزمەت بە دەوڵەت ناكات .

هەروەها رایگەیاندووە عیراق ماوەی دوو دەیەیە روبەروی تیرۆر بۆتەوە، لە ئێستاشدا كار بۆ پتەوكردنی دەزگا ئەمنییەكان دەكەن ئەوەش لە رێی نەخشە رێگای یاسایی و سیاسی و ئەمنی كە كار بۆ ئەوە دەكەن چەك تەنها لە دەستی دەوڵەتدا بێت 

لەلایەكی ترەوە سودانی لەو چاوپێكەوتنەدا باسی لە هەڵوێستی عیراق بەرامبەر ئیسرائیل كردوە و دوپاتیكردۆتەوە كە عیراق هیچ نیازێكی نیە دان بە دەوڵەتی ئیسرائیلدا بنێت و بەڵێننامەی ئاشتی لەگەڵدا ئیمزا بكات .

 

ئێران رایگەیاند، ئامادەیە رێككەوتنی ئەتۆمی ئەنجامبدات لە بەرامبەر هەڵگرتنی سزاكانی سەر وڵاتەكەی.

عەلی شەمخانی، راوێژكاری عەلی خامنەیی، رابەری باڵای شۆڕشی ئیسلامیی ئێران لە چاوپێكەوتنێكدا لەگەڵ كەناڵی ئێن بی سی نیوز رایگەیاند، وڵاتەكەی لە بەرامبەر هەڵگرتنی دەستبەجێیسزاكانی سەری ئامادەیە رێككەوتنێك لەگەڵ ئەمریكا سەبارەت بە بەرنامە ئەتۆمییەكەی ئەنجام بدات.
راشیگەیاند، ئێران بەڵێندەدات هەرگیز چەكی ئەتۆمی دروست نەكات و ئەو كۆگاكایانەی بە خێرای یۆرانیۆمی تیدا دەپینرێت دابخات و تەنها  بە ئاستێكی پێویست لە پیتاندنی بەردەوامدەبێت ئەوەش لە ژێر چاودێری پشكنەرە نێودەوڵەتییەكان دەبێت.

لە دوای ستبەكاربوونی لە مانگی دووەمەوە، ئیدارەی دۆناڵد ترەمپ، سەرۆكی ئەمریكا سیاسەتی زۆرترین فشاری دژی ئێران گرتەبەر و سزای نوێی بەسەر ئێراندا سەپاند، لەگەڵ ئەوەشدا لەگەڵ بەرپرسانی ئێرانیش دانوستان دەكات كە دەیانەوێت ئەو سزایانە هەڵبگرن، كە ئابووری وڵاتەكەیان بەرەوە دارماندنبردووە.

 

بەچاودێری قوباد تاڵەبانی، جێگری سەرۆکی ئەنجومەنی وەزیران، و بەسەرپەرشتی وەزارەتی دەرەوەی یۆنان، ڕۆژانی ١٨ و ١٩ ئایار، کۆڕبەندی دێڵفی - سلێمانی بەڕێوەدەچێت. 

کۆڕبەندی ئابوری دێڵفی, کۆڕبەندێکی ستراتیژییە بۆ گفتوگۆ و هەماهەنگی و گەشەپێدانی هەرێمایەتی، کەتێیدا تاوتوێی بوارەکانی ئاسایش، وزەی بەردەوام، هەمەچەشنیی ئابوری و دواپێشهاتەکان، لەگەڵ جەختکردنەوە لەسەر دەرفەتەکانی وەبەرهێنان. 

کۆڕبەندی دێلفی – سلێمانی، دەستپێشخەرییەکی نوێیە بۆ دیالۆگ لەسەر ئاستی جیهان و ڕۆژهەڵاتی ناوەڕاست بە تایبەت، کە یەکەمجارە لەشاری سلێمانی دەبەسترێت.

لەکۆڕبەندەکەدا چەندین کەسایەتی عێراق و یۆنان و جیهان و گەورە بازرگانان و خاوەن سەرمایەکانی جیهان بەشداردەبن بۆ داڕشتنی سیاسەت و ستراتیژی بازرگانی و هێنانەکایەی هەماهەنگی لە ناوچەکەدا.

کۆڕبەندەکە بە هەماهەنگیی لەگەڵ حکومەتی هەرێمی کوردستان و بە سەرپەرشتیی سکرتاریەتی گشتیی پەیوەندییە نێودەوڵەتییەکان و دێسکی دەرەوەی وەزارەتی دەرەوەی یۆنان و ئاژانسی یۆنانی (ئیتەرپرایس گریس)، بەڕێوەدەچێت.

کۆڕبەندی دێلفی – سلێمانی  دەبێتە سەکۆیەکی نێودەوڵەتی پێشەنگ بۆ داڕشتنی سیاسەت و ستراتیژی بازرگانی و هاوکاری لە ناوچەی فراوانتردا و سلێمانیش پردێک لە نێوان ڕۆژهەڵات و ڕۆژئاوا لە ساتێکدا کە هەماهەنگیی جیهانی لە هەموو کاتێک پێویستترە.