ئێران ئامادەیی نیشانداوە بۆ گەیشتن بەرێککەوتن لەگەڵ ئەمریکا لە بارەی بەرنامە ئەتۆمیەکە و رایگەیاندووە، تاران نایەوێت ببێتە خاوەن چەکی ئەتۆمی بەڵام بەردوامی بە پیتاندنی یۆرانیۆم دەدات.

عەباس عراقچی وەزیری درەوەی ئێران لە تۆڕی کۆمەڵایەتی ئێکس بڵاویکردوەتەوە، ترەمپ لە دوای دەست بەکاربوونیەوە جەختی لەوە کردوەتەوە کە تاران نابێت ببێتە خاوەن چەکی ئەتۆمی، ئەمەش هاوتەریبە لەگەڵ رێبازی ئێران و هەنگاوێکی سەرەکییە بۆ گەیشتن بەرێککەوتن لەگەڵ ئەمریکا.

وەزیری درەوەی ئێران راشیگەیاندووە، ئامادەین بۆ گەیشتن بەرێککەوتنێکی ئاشتیانە، کە بەردەوامی بدات بەپیتاندنی یۆرانیۆمی ئێران لەژێر چاودێری ئاژانسی نێودەوڵەتی وزەی ئەتۆمی، جەختیشیکردەوە کە نایانەوێت ببنە خاوەن چەکی ئەتۆمی.

سەبارەت بە دەستپێکردنەوەی دانوستانەکان عەباس عراقجی ئاماژەی بەوەشکرد، چاوەڕوان دەکرێت رۆژی یەکشەممە داهاتوو دانوستانەکان لە عوممان دەستپێبکاتەوە.

جێگەی ئاماژەیە ماوەی چەند رۆژێکە لێدوانی دژ بەیەک لە نێوان لێپرسراوانی ئەمریکا و ئێران دەستیپێکردووە و یەکتری تۆمەتباردەکەن بە دورکەوتنەوە لە دانوستانەکان، هاوکات دۆناڵد ترەمیش رایگەیاندبوو، کردەوەکانی ئەم دواییەی ئێران جێگەی نائومێدییە.

کەشناسیی هەرێم پێشبینی نوێی لەبارەی کەشوهەوای ئەمڕۆ و سبەینێوە بڵاوکردەوە و ئاماژەی بەوەکردووە، ئەمڕۆ لە چەند ناوچەیەکی سنوریی؛ باران دەبارێت و پلەکانی گەرما بەرز دەبنەوە.

کەشناسیی هەرێم رایگەیاندووە، ئەمڕۆ چوارشەممە، ئاسمان ساماڵ و پەڵەهەور دەبێت، لە ناوچە شاخاوییەکان نیمچەهەور دەبێت لەگەڵ ئەگەری نمەبارانێکی کەم لە کاتەکانی دوای نیوەرۆدا لە ناوچە شاخاوییە سنورییەکانی باکوور و باکووری رۆژهەڵات.

ئاماژەی بەوەشکردووە، سبەینێ پێنجشەممە، ئاسمان ساماڵ و پەڵەهەور دەبێت و لە هەندێک ناوچەدا نیمچە هەور دەبێت.

ئەوەش هاتووە، ئەمڕۆ پلەکانی گەرما کەمێک بەرز دەبنەوە و سبەینێش بە هەمان شێوە 1 بۆ 2 پلەی دیکە بەرز دەبنەوە.

 

بەرزترین پلەکانی گەرمای تۆمارکراو بە پلەی سیلیزی بۆ سبەینێ بەمجۆرە دەبن:

هەولێر: 41 پلەی سیلیزی

سلێمانی: 39 پلەی سیلیزی

دهۆک :  41  پلەی سیلیزی

کەرکوک : 44 پلەی سیلیزی 

زاخۆ  :  42 پلەی سیلیزی

هەڵەبجە :40 پلەی سیلیزی

سۆران :  39 پلەی سیلیزی

حاجی ئۆمەران : 26 پلەی سیلیزی

گەرمیان : 45 پلەی سیلیزی

لە قەزای قوشتەپە لە هەولێر کەسێک بە شەش گوللـە کوژرا.

پەیامنێری کوردسات نیوز باسی لەوەکرد، بەپێی وتەی شایەتحاڵ و کەسانی نزیک لە روداوەکە، بنەڕەتی روداوەکە دەگەڕێتەوە بۆ دوو ساڵ پێش ئێستا.

بەپێی زانیارییەکانی دەست کوردسات نیوز کەوتووە، ئەو کەسەی ئەمڕۆ کوژراوە ناوی 'ئاوارە ناسیح' بووە، دوو ساڵ بەر لە ئێستا بە ئۆتۆمبێل خۆی لە کوڕێکی بکوژەکە داوە و بەهۆیەوە کوڕەکە گیانی لەدەستداوە.

ئەگەرچی ئاوارە بەهۆی ئەو روداوەوە ساڵێک و شەش مانگ زیندانی کراوە و لە لایەنی کۆمەڵایەتیشەوە خێزانەکە کۆتاییان بە کێشەکە هێناوە، بەڵام ئەمڕۆ باوکەکە شەش گوللـەی بە ئاوارەوە ناوە.

لەو بارەیەوە پۆلیسی هەولێر رایگەیاندووە، روداوەکە سەعات 6:00ی بەیانی رویداوە و ئەو کەسەی کوژراوە تەمەنی 37 ساڵ بووە.

ئەوەشی خستووەتە روو، لە ئێستادا تۆمەتبارەکە دەستگیر کراوە و پەڕاوی لێکۆڵینەوە بۆ روداوەکە کراوەتەوە و دراوەتە دادگا.