قوباد تاڵەبانی و باڵیۆزی نوێی فەڕەنسا لە عیراق کۆبوونەوە
ئوسامە ئەبوبەکر
١٧ی تشرینی دووەمی ٢٠٢٦
قوباد تاڵەبانی و باڵیۆزی نوێی فەڕەنسا لە عیراق کۆبوونەوە باس لە رەوشی سیاسیی عیراق و پەیوەندییەکانی نێوان هەرێم و بەغداد کراوە.
قوباد تاڵەبانی رایگەیاندووە، لە کۆبوونەوەمدا لەگەڵ ئەلێکساندەر گارسیا، باڵیۆزی نوێی فەڕەنسا لە عیراق پیرۆزبایی دەستبەکاربوونمان لێ کرد لە ئەرکە نوێیەکەیدا و باسمان لە رەوشی سیاسیی عیراق و هەرێمی کوردستان، پەیوەندییەکانی نێوان هەرێم و بەغداد و هەروەها پەیوەندییەکانی نێوان هەرێمی کوردستان و وڵاتی فەڕەنسا کرد.
قوباد تاڵەبانی ئاماژەی بەوەشداوە، جەختمان کردەوە لەسەر پێویستیی هەماهەنگی زیاتر و کاری هاوبەش بۆ پێشخستنی زیاتری پەیوەندییەکانی نێوانمان لە بوارە جیاوازەکاندا.

