ترەمپ گەڕانەوە بۆ شەڕ لەگەڵ ئێران بە دوور دەزانێت، بەڵام جەخت لەسەر ئامادەیی بەرز و تەواوی هێزەکانی ئەمریکا دەکاتەوە بۆ هەر ئەگەرێک.

دۆناڵد ترەمپ سەرۆکی ئەمریکا رایگەیاند، ئەگەر دانوستانەکان لەگەڵ ئێران بەرەوپێشچوون بەخۆیەوە ببێنێت، ئەوا لە ئەگەرێکی دووردایە بڕیاری دەستپێکردنەوەی شەڕ بدات، بەڵام لە کاتی پێویستدا درێغی ناکات.

وتیشی، هێزەکانیان لە ناوچەکەدا جێگیر کراون و سێ کەشتیی فڕۆکەهەڵگریشیان لە ئامادەباشی تەواودان بۆ ئەنجامدانی هەر هێرشێک.

جەختیشی کردەوە، بڕیاری کۆتایی لەسەر گەڕانەوە بۆ شەڕ بەستراوەتەوە بەوەی ئایا ئێرانییەکان ڕێککەوتنەکە ئیمزا دەکەن یان نا.

سەرۆکی ئەمریکا، ئاشکراشیکرد کە بۆ ئەگەری هەر کردەوەیەکی سەربازیی نوێ، راستەوخۆ کۆمەڵێک ئامانجی دیاریکراویان لەناو ئێران دەستنیشان کردووە، لەوانەش وێستگەکانی بەرهەمهێنانی کارەبا و پردەکانی وڵاتەکە.

لە فێستیڤاڵی نێودەوڵەتتی گەلاوێژ خەڵاتی زێڕین بە خاتوو گەلاوێژ بەخشرا، لەو بارەیەوە بافڵ جەلال تاڵەبانی پەیامێکی بڵاوکردەوە و دەڵێت؛ خاتوو گەلاوێژ ناوی وەک ئەستێرەیەکی گەش لە کوردستان دەدرەوشێتەوە و مایەی شانازیی هەمیشەییمانە.

بافڵ جەلال تاڵەبانی، سەرۆکی یەکێتیی نیتشمانی کوردستان ، ئەم وێنەیەی بڵاوکردووەتەوە و نووسیویەتی: دڵخۆش بووم کە 29ـەمین خولی فێستیڤاڵی نێودەوڵەتیی گەلاوێژ لە شاری سلێمانی، پایتەختی رۆشنبیری بۆ ماوەی چوار رۆژی پڕ لە چالاکیی رۆشنبیری، کولتووری و هونەری بەڕێوەچوو و لەپای پاڵپشتییە بەردەوامەکانی بۆ فێستیڤاڵەکە، خەڵاتی زێڕین بە خاتوو گەلاوێژ بەخشرا.

خاتوو گەلاوێژ، یەکێک لە ژنە پێشەنگ و درەوشاوەکانی مێژووی ئەدەب و رووناکبیریی کوردییە کە تەمەنێکە بە قەڵەمە رەنگین و بەبڕشتەکەی خزمەتێکی گەورە و بێوێنەی بە کتێبخانەی نەتەوەکەی کردووە، بۆیە ناوی وەک ئەستێرەیەکی گەش لە کوردستان دەدرەوشێتەوە و مایەی شانازیی هەمیشەییمانە.