ئەنجومەنی وەزیرانی هەرێم دامەزراندنی بە شێوازی لە جێگە دانان راگرت، وتەبێژی وەزارەتی خوێندنی باڵاش دەڵێت، "ئاگامان لە بڕیارەکە نییە".

پێشتر وەزارەتی خوێندنی باڵای حکومەتی هەرێم رایگەیاندبوو: پرۆسەی لەجیاتی دانان بۆ گرێبەستەکانی وەزارەتی خوێندنی باڵا کە دەست بەکارنەبون ئەنجام دەدرێت، کە نزیکەی هەزار کەس سودمەند دەبن.

بەڵام ئەمڕۆ، بەپێی نووسراوێکی رەسمی سەرۆکایەتیی دیوانی ئەنجوومەنی وەزیران کە ئاڕاستەی وەزارەتی خوێندنی باڵا و توێژینەوەی زانستی کراوە، کارکردن بە بڕگەی دووی نووسراوێکی پێشوویان راگیراوە، نووسراوەکە تایبەتە بە پرسی لەجێگەی دانانی ئەو فەرمانبەر و مامۆستا وانەبێژانەی کە بە گرێبەست لەسەر داهاتی ناوخۆ دامەزراون.

هاوکات، عەباس ئەکرەم، وتەبێژی وەزارەتی خوێندنی باڵای هەرێم بە کوردسات نیوزی راگەیاند: ئاگامان لە بڕیارەکەی ئەنجومەنی وەزیران نییە.

 

لێپرسراوێکی باڵای ئێران بە میدیای وڵاتەکەی راگەیاندوە، بەم زوانە وێنەی نوێی موجتەبا خامنەیی بڵاودەبێتەوە، کە لەناو خەڵک و لەسەر شەقامەکاندایە، هەروەها وێنەکان کۆبونەوەکانیشی تێدایە کە لەگەڵ فەرماندە کاندایە.

قاسم قورەیشی، جێگری رێکخراوی بەسیجی ئێران رایگەیاند، بەم زوانە وێنەی نوێی موجتەبا خامنەیی، سێیەمین رێبەری باڵای ئێران بڵاودەکرێتەوە، کە لە ناو خەڵک و لەگەڵ فەرماندەکاندایە.

قسەکانی قاسم قورەیشی، کە لەلایەن ئاژانسی هەواڵی "میزان"ی سەر بە دەسەڵاتی دادوەریی ئێران بڵاوکراوەتەوە، ئاماژەی بەوە کردووە کە دیمەنەکان موجتەبا خامنەیی لەناو خەڵک و لە شەقامەکاندا و هەروەها لە کاتی کۆبونەوەدا لەگەڵ فەرماندەکانی هێزە چەکدارەکاندا نیشان دەدەن.

ئەم لێدوانانەی قاسم قورەیشی لە کاتێکدایە، لە چەند مانگکە، هیچ وێنە  و دەنگێکی موجتەبا خامنەیی بڵاونەکراوەتەوە و باس لەوە دەکرێت لە بۆردومانەکەی ئیسرائیل و ئەمریکا بۆسەر خانوەکەی باوکی، بە سەختی بریندار بووە.

پێش بڵآوبونەوەی ئەم هەواڵەش، ئاژانسی ئێرنا رایگەیاندبوو، موجتەبا خامنەیی لەگەڵ مەسعود پزیشکیان کۆبووەتەوە و تاوتوێی پرسە سەربازی و ئابورییەکانی وڵاتیان کردووە.