هێلیکۆپتەرێکی فریاگوزاری لە چیای ئەزمڕ کەوتەخوارەوە
سام
٢٩ی ئابی ٢٠٢٥
سەرچاوەیەکی ئاگادار بە کوردسات نیوزی راگەیاندووە، ئەمڕۆ لە چیای ئەزمڕی شاری سلێمانی، لە نزیک هەڕووتە، ئۆتۆمبێلێک لە بەرزاییەکەوە کەوتووەتە خوارەوە و بەهۆیەوە شۆفێری ئۆتۆمبێلەکە گیانی لەدەستداوە و دواتریش فڕۆکەیەکی فریاگوزاری کە بۆ بەهاناوەچوونی سەرنشینانی ئۆتۆمبێلەکە چووەتە شوێنی رووداوەکە بەهۆی سەختی ناوچەکە و ئاستەنگ دروستبوون بۆ تیمی فڕۆکەوانییەکە، کۆنترۆڵی فڕۆکەکەیان لەدەستداوە و لە ئەنجامدا دوو کارمەندی تیمی فڕۆکەوانی بریندار بوون.
پەیامنێری کوردسات نیوز ئاماژەی بەوەدا کە یەکێک لە بریندارەکان سەرۆکی تیمی فڕۆکەوانی سلێمانییە.
تیمەکانی فریاگوزاری و تەندروستی گەیشتوونەتە ناوچەکە و بریندارەکان گواستراونەتەوە بۆ نەخۆشخانە بۆ وەرگرتنی چارەسەر.
نوێدەکرێتەوە...