شاناز ئیبراهیم ئەحمەد پەیامێکی هاوخەمی بۆ کۆچی دوایی بەهیە خانی کچی حامید بەگی جاف بڵاوکردەوە.

دەقی پەیامەکە

زۆر غەمبار بووم بە کۆچی دوایی خانمێکی ئەسڵزادەی بەگزادەی جاف و هەڵەبجە (بەهیە خانی کچی حامید بەگی جاف).

بەهیە خان لەچاوی مندا بەگزادە شۆخە کوردەکەی لەندەن بوو، ژنێکی تاسەر ئێسقان کورد و کوردپەروەر، رۆشنبیر و بەوەفا، بەهەیبەت، خاکیی و شیرین گۆ، خاوەنی جوانییەک کەهەرگیز لەیاد ناکرێت.

ژنێک کەهەرگیز گوێی بە تەمەن و نەخۆشی نەئەدا و لەهەموو خۆپیشاندان و کۆڕ و کۆبونەوە وچالاکییەکدا لەپێشی پێشەوە بوو.

بۆ هەمیشە یادی بەهیە خان لەیادەوەری ئەو کەسانەدا دەمێنێتەوە کەبۆ چرکەیەکیش ناسیبێتیان، ئەو ژنەی کەشوێنەکەی هەرگیز پڕ نابێتەوە.

یادت بەخێر بەگزادە شۆخەکەی لەندەن، هاوخەم و هاوڕێی ڕۆژانی غوربەتم.

 

شاناز ئیبراهیم ئەحمەد