پارێزگاری کەرکوک پێشوازی لە نوێنەری تایبەتی سکرتێری گشتی نەتەوەیەکگرتووەکان لە عیراق کرد
محەمەد رزگار
٢٠ی حوزەیرانی ٢٠٢٥
پارێزگاری کەرکوک لەگەڵ نوێنەری تایبەتی سکرتێری گشتی نەتەوەیەکگرتووەکان لە عیراق کۆبوەوە.
رێبوار تەها پارێزگاری کەرکوک، پێشوازیکرد لە د. محەمەد حەسان نوێنەری تایبەتی سکرتێری گشتی نەتەوەیەکگرتووەکان لە عیراق و سەرۆکی نێردەی نەتەوەیەکگرتوەکان بۆ هاوکاری عێراق ( یۆنامی).
لە دیدارێکدا کە هەریەکە لە نەشئەت شاهوەیز و هۆشیار ئاغا کاکەیی ئەندامانی ئەنجومەنی پارێزگا ئامادەیبوون، دۆخی سیاسی و ئابوری و خزمەتگوزاری لە کەرکوک تاتوێکران.
هاوکات هەوڵەکانی ئیدارە و ئەنجومەن بۆ رووبەڕووبوونەوەی گۆڕانی کەشوهەوا و بەکارهێنانی وزەی خاوێن و پشتیوانیکردنی کەرتی پەروەردە و فێرکردن و پێشخستنی کەرتی کشتوکاڵ و ئاوی ژێرزەوی و بەگڕخستنی وەبەرهێنان و ڕەخساندنی هەلی کار خرانە بەرباس.

