وەزارەتی ناوخۆی هەرێم روونکردنەوەیەکی لەبارەی گۆڕانکاریی لە رێکارەکانی ڤیزا بڵاوکردەوە.

وەزارەتی ناوخۆی هەرێم رایگەیاند، چەند هەواڵێک بڵاوبووەتەوە و باس لەوە دەکات کە گۆڕانکاریی لە رێکارەکانی وەرگرتنی ڤیزادا کرابێت، بەڵام دوورن لە راستییەوە و هیچ بنەمایەکیان نییە.

ئەوەشی خستووەتە روو، "میوانان و گەشتیاران دەتوانن وەک پێشوو لەرێی بەکارهێنانی پۆرتاڵی www.visit.gov.krd  داواکاری تایبەت داوای فیزەی کوردستان بکەن و هاووڵاتیانی وڵاتانی لیستی A وەکو جاران دەتوانن لە کاتی گەیشتن لە فڕۆکەخانە و دەروازە نێودەوڵەتیەکان فیزە وەربگرن".

ئەوەش لە کاتێکدایە، لەماوەی چەند رۆژی رابردوودا چەند هەواڵێک بڵاوبووەوە باسیان لەوەدەکرد، گۆڕانکاریی لە رێکارەکانی وەرگرتنی ڤیزای کوردستاندا کراوە.