عەلی حەمەساڵح پلانێکی مەترسیدار لەسەر زیادکردنی نرخی فرۆشتنی کارەبا ئاشکرا دەکات
کوردسات نیوز
١٤ی تەمووزی ٢٠٢٣
عەلی حەمە ساڵح، لە کۆنگرەیەکی رۆژنامەوانیدا رایگەیاند، پلانێکی مەترسیدار ھەیە بە زیادکردنی نرخی فرۆشتنی کارەبا، بەپێی ئەو پلانەش نەک کارەبا دەکرێت بە ٢٤ سەعات، بەڵکو دەتوانرێت ھەناردەی دەرەوەش بکرێت، چونکە خەڵک ناتوانێت بەکاربھێنێت.
ئاماژەی بۆ ئەوەشکرد، پێشتر کیلۆواتێک کارەبا بە ١٨ دینار بوو، بۆ ٤٥٠ وەحدە، بەڵام ئێستا راستەوخۆ لە ١٨ دینارەوە لە ھەولێر زیادکراوە بۆ١٧٥ دینار، لە سلێمانیش زیادکراوە بۆ١٥٦دینار، بە پێی ئەو پلانەش ماڵێکی ئاسایی توانای ئەوەی نییە ٣٠٠ ھەزار دینار بدات بە کارەبا، ئەوەش لێکەوتەی خراپی دەبێت و بارگرانییەکی زۆر دروستدەکات، ئەو بابەتە خوێندنەوەی بۆ نەکراوە، چونکە داھاتی تاک ئەژمارنەکراوە.
عەلی حەمە ساڵح جەختی لەوەشکردەوە، حکومەت خۆی کارەبا لە وێستگەکانی بەرھەمھێنانی کارەبا بە ٣٠ سەنت کە دەکاتە ٤٨ دینار دەکڕێت، بەڵام بە ١٧٥ دینار بە ھاووڵاتیانی دەفرۆشێتەوە.