عەلی رەئوف نوێنەری مامۆستایانی وانەبێژ بە کوردسات نیوزی راگەیاند، وەزارەتی پەروەردە وەڵامی گشتاندنی ئەنجومەنی راژەی داوەتەوە بۆ ژمارەی پێویستی فەرمانبەر لەناو وەزارەتی پەروەردەدا و رایانگەیاندووە کە پێویستییان بە دامەزراندن ھەیە و ئەولەویات بۆ مامۆستایانی وانەبێژە.

وتیشی، ئەنجومەنی راژە لەئێستادا تاوتوێی وردی وەڵامەکەی وەزارەتی پەروەردە دەکات، بەڵام ئەوان داوای دامەزراندن بۆ سەرجەم مامۆستایانی وانەبێژ دەکەن، چونکە پێویستن بۆ ناوەندەکانی خوێندن و بەپێی پێویستی دانراون، کە ژمارەیان زیاتر لە ٣٥ ھەزار کەسە.