بکوژی ژنە ٢٩ ساڵانەکەی ناحیەی شوان ئاشکرا کرا
کوردسات نیوز
٨ی کانوونی دووەمی ٢٠٢٣
پۆلیسی رووبەڕوبونەوەی تاوانی کەرکوک رایگەیاند، بکوژی ژنە ٢٩ ساڵانەکەی ناحیەی شوان ئاشکراکراوە، دانی بە تاوانەکەیداناوە کە ھاوسەرەکەی ژنەکەی کوشتووە، لە ئێستاشدا بەپێی ماددەی ٤٠٦ لە یاسای سزادانی عێراقی دەستگیرکراوە.
رۆژی ٢٨ی مانگی رابردوو ژنێک لە ناحیەی شوانی سەر بە پارێزگای کەرکوک کوژرا، لە کاتی ڕوداوەکەدا وا بڵاوکرایەوە کە گوایە سێ چەکداری نەناسراو ژنەکەیان کوشتووە و ھاوسەرەکەیان بەستووەتەوە و دواتر ھەڵھاتوون، ھەر ئەو کاتەش بەرێوەبەری پۆلیسی پارێزگای کەرکوک بە سەرۆکایەتی بەڕێوەبەری نەھێشتنی تاوانی کەرکوک تیمێکی لێکۆڵینەوەی پێکھێنا، بۆ ئەوە ئەنجامدەرانی تاوانەکە ئاشکرا بکەن، لە ئێستاشدا پۆلیسی کەرکوک رایگەیاندوە، ھاوسەری ژنە کوژراوەکە تاوانەکەی ئەنجامداوە.