یەکەم سەبەتەی خۆراکی ٢٠٢٣ لە عێراق دابەش دەکرێت
هادی
٧ی کانوونی دووەمی ٢٠٢٣
"ئەسیر دادو الغدێری" وەزیری بازرگانی عێراق رایگەیاند، کۆمپانیاکانی بەرھەمھێنانی خۆراک و دانەوێڵە و بازرگانی دانەوێڵە ئامادەکارییە تەکنیکی و کارگێڕییەکانیان تەواو کردووە بۆ دەستەبەرکردنی یەکەم سەبەتەی خۆراک و ئارد بۆ ساڵی ٢٠٢٣.
ئاماژەی بۆ ئەوەشکردووە، رۆژی یەک شەممە ٨ی کانوونی دووەم بەپێی پلانی ئامادەکراو دەست بە دابەشکردنی سەبەتەی خۆراکی ئەمساڵ دەکرێت، بۆ ئەو مەبەستەش ھەماھەنگی لە نێوان ھەردوو کۆمپانیای بەرھەمھێنانی دانەوێڵە و کۆمپانیاکانی بازرگانی دانەوێڵە بەردەوامە.
وەزیری بازرگانی عێراق جەختیشی کردەوە لەسەر پابەندبوون بە ڕێکخستنی پرۆسەی بڕین و ھەماھەنگی پێداچوونەوە بە کاری بریکارەکانی خۆراک.