عەلی حەمە ساڵح ئەندامی پەرلەمانی کوردستان رایگەیاند، پارەی نەوتی مانگی رابردوو لە ٣٢٦ ملیار و ٣٥٠ ملیۆن دیناری داھاتی نەوت، ٢٠٠ ملیار دینار بۆ سلێمانی و ھەڵەبجە و گەرمیان و ئیدارەی راپەڕین کە ٣٨٪، بڕی ٣٢٦ ملیار بۆ ھەولێر ٦٢٪ دەکات.


وتیشی، ئەو ٢٠٠ ملیار دینارەی لە بەغدادەە رەوانەی ھەرێم دەکرێت، بڕی ٨٥ ملیار دیناری دراوەتە سلێمانی و ھەڵەبجە و ئیدارە سەربەخۆکان، بڕی ١١٥ ملیار دیناریش بۆ ھەولێر و دھۆک.


جەختی لەوەشکردەوە ، ئەگەر دابەشکردنی داھات لەلایەن حکومەتی ھەرێمەوە بەمشێوەیە بەردەوامبێت و چارەسەر نەکرێت لەچەند مانگی داھاتوودا تەقینەوەیەکی گەورە لەسلێمانی رودەدات، گەورەترین کێشەش کە دروستدەبێت ئاوی خواردنەوەی ماڵانە کە بەشێکی سلێمانی و قەزاو ناحیەکانی دەگرێتەوە، کێشەی کارەباش دروستدەبێت.