نرخی زێڕ لە بازاڕەکانی جیهاندا بەراورد بە دوێنێ، بۆ هەر ئۆنسەیەک نزیکەی 30 دۆلار بەرزبووەوە و زێری عەیارە 21یش لە بارزاڕەکانی هەرێم نزیک دەبێتەوە لە ملیۆنێک دینار.

ئەمڕۆ هەینی، یەک ئۆنسە زێڕ لە بازاڕەکانی جیهاندا بە چوار هەزار و 554 دۆلار مامەڵەی پێوەدەکرێت، لەکاتێکدا دوێنێ پێنجشەممە، هەمان کات نرخی ئۆنسەیەک زێڕ چوار هەزار و 521 دۆلار بوو.

نرخی زێڕ بەراورد بە چەند مانگی رابردوو بەرزبوونەوەیەکی بەرچاوی بەخۆیەوە بینیوە و شارەزایانی ئابورییش، پێشبینیی بەرزبوونەوەی زیاتری نرخەکەی دەکەن لەمساڵدا.

لە بازاڕەکانی هەرێمیش بەم شێوەیە مامەڵەی پێوەدەکرێت:

زێڕی عەیار 21 به 979 هەزار دینار

زێڕی عەیار 18 به 839 هەزار دینار

زێڕی عەیار 22 به ملیۆنێک و 26 هەزار دینار

زێڕی عەیار 24 به  ملیۆنێک و 119 هەزار دینار

وەزارەتی دارایی و ئابوری دۆسیەی فەرمانبەرانی رێکخراوەکانی یەکلایی کردەوە و تەواوی مافەکانی راژەی شارستانی و خانەنشینییان پێەبەخشرا.

وەزارەتی دارایی و ئابوریی حکومەتی هەرێمی کوردستان گشتاندنێکی رەسمیی بە ئیمزای وەزیری دارایی و ئابوری دەرکرد، کە تێیدا دۆسیەی فەرمانبەرانی رێکخراوەکانی بە یەکجاری یەکلایی کردەوە و تەواوی مافەکانی راژەی شارستانی و خانەنشینییان پێدەبەخشێت.

بەپێی بڕیارەکە، فەرمانبەرانی رێکخراوەکان لەمەودوا لە تەواوی دامودەزگاکانی حکومەتی هەرێمی کوردستاندا وەک فەرمانبەری ئاسایی و میلاکی هەمیشەیی مامەڵەیان لەگەڵدا دەکرێت.

هەروەها هاوشێوەی فەرمانبەرانی تری راژەی شارستانی بەپێی یاسای خانەنشینیی بەرکار لە هەرێمی کوردستان، تەواوی مافە یاسایی، کارگێڕی، دارایی و خانەنشینییەکانیان بۆ دەستەبەر دەکرێت.