وەزارەتی دارایی و ئابوری دۆسیەی فەرمانبەرانی رێکخراوەکانی یەکلایی کردەوە و تەواوی مافەکانی راژەی شارستانی و خانەنشینییان پێەبەخشرا.

وەزارەتی دارایی و ئابوریی حکومەتی هەرێمی کوردستان گشتاندنێکی رەسمیی بە ئیمزای وەزیری دارایی و ئابوری دەرکرد، کە تێیدا دۆسیەی فەرمانبەرانی رێکخراوەکانی بە یەکجاری یەکلایی کردەوە و تەواوی مافەکانی راژەی شارستانی و خانەنشینییان پێدەبەخشێت.

بەپێی بڕیارەکە، فەرمانبەرانی رێکخراوەکان لەمەودوا لە تەواوی دامودەزگاکانی حکومەتی هەرێمی کوردستاندا وەک فەرمانبەری ئاسایی و میلاکی هەمیشەیی مامەڵەیان لەگەڵدا دەکرێت.

هەروەها هاوشێوەی فەرمانبەرانی تری راژەی شارستانی بەپێی یاسای خانەنشینیی بەرکار لە هەرێمی کوردستان، تەواوی مافە یاسایی، کارگێڕی، دارایی و خانەنشینییەکانیان بۆ دەستەبەر دەکرێت.

ئەنجومەنی وەزیرانی عیراق رەزامەندیی دەربڕی لەسەر پلانی هەناردەكردنی نەوتی خاوی عیراقی لە رێگەی ئیمزاكردنی رێككەوتن لەگەڵ كۆمپانیا جیهانی و ناوخۆییەكانەوە و بە رێڕەوی جیاوازدا، بە مەڕجێك گرێبەستەكان بۆ ماوەی سێ مانگ بن و لە یەكی تشرینی یەكەمی داهاتووەوە بخرێنە بوار جێبەجێكردنەوە.

هەروەها حكومەتی عیراق دەسەڵاتی بەخشییە باسم محەمەد، وەزیری نەوتی عیراق، بۆ كاركردن لەسەر زیادكردنی تواناكانی هەناردەكردنی نەوتی خاو لە رێگەی رێڕەوی گواستنەوەی نوێ، هەروەها دەسەڵاتی نوێكردنەوەی ئەو گرێبەستانەشی پێدراوە.