سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و دوای هێرشەکانی ئەمڕۆی ئێران و ئیسرائیل نرخەکەی گۆڕانکاری بەسەردا هات و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش 4٪ نرخەکەیان بەرزبوەتەوە و بەرمیلێک نەوتی برێنت لە سەرو 97 دۆلارەوە مامەڵەی پێوەدەکرێت.

ئەمڕۆ دووشەممە، بەهۆی گرژییەکانی ناوچەکەوە  و بەردەوامی داخستنی گەروی هورمز، هەروەها هێرشەکانی بەرەبەیانی ئەمڕۆی ئێران و ئەمریکا بۆسەر یەکتری، نرخی نەوت بەرزبونەوەی بەرچاوی تۆمارکرد بەراورد بە هەمان کاتی دوێنێ.

لە ئێستادا بەرمیلێک نەوتی خاوی برێنت لە بازاڕەكانی جیهان بە 97 دۆلار و 22 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە  45دۆلار و 50 سەنت لە بازاڕەکاندا مامەڵەی پێوە دەکرێت.

وەزارەتی دارایی ئابووری هەرێمی کوردستان داوایی لەوەزارەتەکان کردوە لیستی مووچەی مانگی شەش ئامادە بکەن.

سەرچاوەیەک لە وەزارەتی دارایی و ئابوریی هەرێمی کوردستان راگەیاند، ئەمڕۆ  سەعات یەکی پاش نیوەرۆ بەشی گەنجینەی وەزارەتی دارایی و ئابوری داوای لە سەرجەم وەزارەت و دەستەکان کردووە لیستی موچەی مانگی شەش ئامادە بکەن.

سەرچاوەکە وتیشی، سبەینێ سیستەمی پەیرۆڵ لە سەعات نۆی بەیانی کارادەکرێت و سەرجەم وەزارەت و دەستەکان لیستی موچەی فەرمانبەرەکانیان داخڵی سیستەمەکە دەکەن.

ئەو سەرچاوەیە ئاماژەی بەوەشکرد، سیستەمەکە بۆ ماوەی چەند رۆژێک کارادەکرێت و دواتر لە بەشی گەنجینە وردبینی تەواوی بۆ دەکرێت و پاشان رەوانەی بەغداد دەکرێت.