ڕێوڕەسمی کۆتایی بەشی پێشبڕکێی سی و شەشەمین خولی ھەفتەی ڕەخنەگران "Critics' Week" لە حەفتا و ھەشتەمین خولی فێستیڤاڵی نێودەوڵەتی فیلمی ڤێنس "Venice" بە ئامادەبوونی ھەندێک لە ستافی سەرەکی فیلمی سینەمایی "زاڵاوا" لەوانە "ئەرسەلان ئەمیری" دەرھێنەر، "سەمیرا بەرادەری" و "روحوڵڵا بەرادەری" بەرھەمھێنانی ئەم فیلمە، "ئایدا پەناھەندە" یەکێک لە سیناریۆنووسان، "نەوید پوورفەرەج"، "پووریا ڕەحیمی سام" و خاتوو "ھودا زەینوالعابدین" ئەکتەرانی ئەم بەرھەمە کوردییە، کاتژمێر ٦ی ئێوارێی شەوی ھەینی ڕابردوو ١٠ی سێپتەمبەری ٢٠٢١ بە کاتی ئەورووپا لە شاری ڤێنس لە وڵاتی ئیتالیا بەڕێوەچوو و ئەم فیلمە کوردییە توانی بە سەرکەوتووییەوە خەڵاتی گەورەی "ھەفتەی ڕەخنەگران" و ‌ھەروەھا خەڵاتی "ڕەخنەگرانی نێودەوڵەتی فیلم (فیپێڕشی) "FIPRESCI" واتە فیدڕاسیۆنی نێودەوڵەتی ڕەخنەگرانی فیلم بەدەستبێنێت. 

فیلمی سینەمایی "زاڵاوا" Zalava لە یەکەمین نمایشی جیھانی لە سێ چانسی جیاوازدا چووە سەر پەردەی سینەماکان و لەلایەن بینەرانی ئەم فێستیڤاڵەوە گرنگی پێدرا و ھەروەھا لەلایەن ڕەخنەگرانی سینەماییەوە پێشوازییەکی بێوێنەی لێکرا، کە بۆ بەدەستھێنانی خەڵاتی گەورەی "ھەفتەی ڕەخنەگران" لەگەڵ ٦ فیلمی سینەمایی لە وڵاتانی جۆراوجۆری جیھان لە ڕکابەرییدابوو.

لە ڕێوڕەسمێکدا کە لە شاری سلێمانی بەڕێوەچوو سالار مەحمود پەرلەمانتاری ھەردوو خولی سێیەم و چوارەمی پەرلەمانی کوردستان کتێبێکی لە بارەی ئەزمونی کاری پەرلەمانی و  ڕۆڵی پەرلەمان لە پرسە نیشتمانییەکان بە تایبەتی لە پرسی جینۆساید ناساندن و دۆزی بەشەکانی تری کوردستان بڵاوکردەوە.

لە بارەی کتێبەکەیەوە سالار مەحمود پەرلەمانتاری پێشووی پەرلەمانی کوردستان بە کوردسات نیوزی ڕاگەیاند: ئامانجی بوو لە ڕێگەی ئەم کتێبەوە ئەزمونی کاری پەرلەمانی خۆی لە دوو خولدا بنوسێتەوە و تیشک بخاتە سەر ڕۆڵی پەرلەمانی کوردستان لە پرسە گرنگ و چارەنوسسازەکان بە تایبەت ئەو پرسانەی کە پەیوەندیدارن بە ناوخۆی ھەرێم و بەشەکانی تری کوردستان و گرنگی کاری پەرلەمانی لە بەجینۆساید ناساندنی ئەو تاوانانەی کە بەرامبەر بە گەلی کورد کراوە.

بەرپرسانی کۆمپانیاکەش باسیان لەو بەرنامە و خزمەتگوزاریانە کرد کە بۆ ساڵی تازە پێشکەشی بەشداربووانی کۆمپانیاکەیانی دەکەن.

لە شاری سلێمانی بەئامادەبوونی ژمارەیەکی بەرچاو لە شاعیران و ھونەرمەندانی کەسایەتی دیاری سلێمانی ھەشتەمین ساڵیادی کۆچی دوای شاعیری گەورەی کورد شێرکۆ بێکەس  بەڕێوەچوو. 

لە مەراسیمەکەدا چەند وتارێک پێشکەشکران و تێدا باس لەبەرھەم و شیعرەکانی شاعیری کۆچکردوو کرا کە لەرێگەی کارەکانییەوە چ خزمەتێکی بەئەدەب و بەشیعری کوردی کردووە.

لە ڕێوڕەسمێکدا کە لە مەڵبەندی سلێمانی یەکێتی بەڕێوەچوو، فەرید ئەسەسەرد سەرپەرشتیاری گشتی ئینسکلۆپیدیای یەکێتی نیشتمانی کوردستان ڕایگەیاند، دوای بڵاوبوونەوەی بە شێوەی ڕەسمی چاپی چوارەمی ئینسکۆپیدیاکە دەگەیەنن بە ھەموو ئۆرگانە جیاجیاکانی یەکێتی و بڵاوکردنەوەی کتێبەکەش ھەوڵێکە بۆ خستنەڕووی مێژووی یەکێتی بە شێوەی زانستی و بە پشتبەستن بەڵگەنامە و نوسراو و کۆنووسە ڕەسمییەکان.

وتیشی، گرنگی بڵاوکردنەوەی کتێبەکە بۆ ئەوەیە ھەر کەسێک بیەوێت زانیاری لەسەر مێژوو و قۆناغە جیاکانی یەکێتی دەست بکەوێت دەتوانێت بە پشتبەستن بە زانیارییەکانی نێو کتێبەکە ھەموو زانیارییەکی ئەکادیمی لەسەر یەکێتی بە ئاسانی دەست بکەوێت.

زۆرینەی شەقامەکانی سلێمانی لە کاتی خۆیدا پێشنیاز کرا بکرێت بەناوی شاعیران و نوسەران و کەسایەتیەکانەوە سوود لە ھۆنراوەیەکی بەنگینەی شاعیر وەرگیرا و ناوەکان کران بەو ناوانەی ئێستا بونەتە ناو ناونیشانی شەقامەکان. 

ھەر لە مەراسیمەکەدا چاپی سێیەمی بەنگینە پێشکەش بە ئامادەبووان کرا.

وەک ھونەرمەندێکی پێشەنگی کورد، لە شێوازی کارکردنی ئەبستراکت، ھونەرمەند عەلی ھادی لە ساڵی ١٩٥٧ لە حەبانییە لە خێزانێکی کورد لەدایکبووە.

دەرچووی ئەکادیمیای ھونەرە جوانەکانی فلۆرەنسایە، دوای خوێندنی ئەکادیمیا وەک سەرکێشییەکی کەسایەتی دەستیکردووە بە توێژینەوە لە بواری ھونەری و ڕۆحی.

لە ساڵی ٢٠٠٢ بۆ ٢٠٠٩، ستۆدیۆی گەلەری تایبەت بەخۆی ھەبووە لە سان مالۆ لە فەڕەنسا بە شێوەیەک کە  گەلەریەکە ستۆدیۆی ئیشکردنیشی بووە.

خاوەنی بڕوانامەی ماستەرە لە ھونەری ھاوچەرخ لە ساڵی ٢٠١٠ لە پاریس و لە ساڵی ٢٠١٢ بڕوانامەی ماستەری لە ھونەری ھاوچەرخی تیۆری و پراکتیکی بەدەستھێناوە لە زانکۆی (غەین-٢) لە فەڕەنسا.

لە ساڵی ٢٠١٢ بووەتە خاوەنی ماستەر لە زانکۆی پاریس-٨ لە فەڕەنسا و لە ساڵی ١٩٧٧ بۆ ٢٠١٩، بەشداری زۆرێک لە پێشانگاکانی ناوەوە و دەرەوەی کوردستان کردووە. لە ئێستاشدا مامۆستای وانەبێژە لە کۆلێژی ھونەر، لە زانکۆی سەڵاحەدین.