سوپای ئێران هۆشدارییەکی توند ئاڕاستەی واشنتۆن دەکات و رایدەگەیەنێت، هەر جوڵەیەکی سەربازیی نوێی ئەمریکا بە وەڵامێکی دەستبەجێ و کەمەرشکێن وەڵام دەدرێتەوە کە سنورەکانی رۆژهەڵاتی ناوەڕاستیش دەبەزێنێت.

ئەمڕۆ، محەمەد ئەکرەمی، وتەبێژی سوپای ئێران رایگەیاند، هێزە چەکدارەکانی وڵاتەکەی لە ئامادەباشی تەواودان بۆ بەرپەرچدانەوەی هەر دەستدرێژییەکی نوێی ئەمریکا، جەختیشی کردەوە کە وەڵامی ئەمجارەی تاران زۆر فراوانتر و بەهێزتر دەبێت لە رووبەڕووبوونەوەکانی رابردوو.

وتەبێژی سوپای ئێران ئاماژەی بەوەشکرد، لە حاڵەتی هەڵگیرسانی هەر جەنگێکدا، جوگرافیا و بازنەی رووبەڕووبوونەوەکان تەنها لە ناوچەی رۆژئاوای ئاسیا بەرتەسک نابێتەوە، بەڵکو لێکەوتە و کاردانەوەکانی تەواوی ناوچەکە و دەرەوەشی دەگرێتەوە.

دوای نزیكەی 45 رۆژ لە دەستپێكردنی دەنگدان لە رێگەی پۆستەوە، ئەمڕۆ هەڵبژاردنی نیوەی خولی كۆنگرێسی ئەمریكا بەڕێوەدەچێت.

ئەمڕۆ هەڵبژاردنی نیوەی خولی ئەمریكا  بە بەشداری 210 ملیۆن دەنگدەر دەستپێدەكات، دوای ئەوەی لە ناوەڕاستی مانگی ئەیلولەوە دەنگدان لە رێگەی پۆستە و پێشوەخت دەستپێكردووە.
لەو هەڵبژاردنەدا كێبڕكێ لەسەر 435 كورسی ئەنجومەنی نوێنەران و 35 كورسی لە كۆی 100 كورسی ئەنجومەنی پیران دەكرێت، لە 36 ویلایەتیشدا پارێزگارە نوێیەكان هەڵدەبژێردرێن.

لەو هەڵبژاردنەی ئەمریكا ئەگەر دیموكراتەكان زۆرینەی ئەنجومەنی پیران بەدەستبهێنن، دەسەڵاتی رەتكردنەوە یان دواخستنی كاندیدەكانی ترەمپیان دەبێت بۆ پۆستە باڵاكان و دادگای فیدراڵی ئەمریكا.

210 ملیۆن دەنگدەری ئەمریكی بەشداری لە هەڵبژاردنی نیوەی خولی ئەمریكا دەكەن بۆ دیاریكردنی دەسەڵاتەكانی دۆناڵد ترەمپ لە نیوەی دووەمی خولی سەرۆكایەتییەكەیدا.

سبەینێ هەڵبژاردنی نیوەی خولی ئەمریكا كۆتایی پێدێت كە تیایدا كێبڕكێ لەسەر 435 كورسییەكەی ئەنجومەنی نوێنەران و 35 كورسی لە كۆی 100 كورسییەكەی ئەنجومەنی پیران دەكرێت، هەروەها لە 36 ویلایەتیشدا پارێزگارە نوێیەكان هەڵدەبژێردرێن.

گرنگیی ئەم هەڵبژاردنە كۆنتڕۆڵكردنی كۆنگرێس و دەسەڵاتی بانگهێشتكردن و سەرپەرشتیكردنی لیژنە گرنگەكان دەداتە پارتی براوە، ئەوەش رێگە بە پارتی براوە دەدات لێكۆڵینەوە لە دەسەڵاتی جێبەجێكردنی سەرۆكی وڵات بكەن یان رێگری لێ بكەن.

ئەگەر دیموكراتەكان زۆرینەی ئەنجومەنی پیران بەدەستبهێنن، دەسەڵاتی رەتكردنەوە یان دواخستنی كاندیدەكانی ترەمپ بۆ پۆستە باڵاكان و دادگای فیدراڵی دەبێت.

 لە كۆتاییشدا، بەبێ رەچاوكردنی ئەنجامەكانی ئەم هەڵبژاردنە ترەمپ ناتوانێت بۆ خولی سێیەم خۆی كاندید بكاتەوە.