لە سنوری سۆران هێرشكرایەسەر هێزی پێشمەرگە و پێنج پێشمەرگە شەهیدبوون و زیاتر 50 پێشمەرگەش برینداربوون و دوو فڕۆكەی بێفڕۆكەوانیش تەقێنرانەوە.

پەیامنێری كوردسات نیوز رایگەیاند، بەرەبەیانی ئەمڕۆ بە شەش موشەك هێرشكرایە سەر بارەگای فیرقەی حەوتی هێزەكانی هەشتا لە سپیلك لە سنوری قەزای خەلیفان، بەهۆیەوە پێنج پێشمەرگە شەهیدبوون زیاتر لە 50 پێشمەرگە برینداربوون و گەیەنراونەتە نەخۆشخانەكانی سۆران وخەلیفان.

وتیشی، لە درێژەی هێرشەكاندا هەر بەرەبەیانی ئەمڕۆ چیای گەشتیاریی كۆڕەك بە موشەك كراوەتە ئامانج و دوو درۆنیش لە سەر ئاسمانی سۆران و رەواندز تەقێنراونەتەوە.

بنیامین ناتانیاهۆ سەرۆک وەزیرانی ئیسرائیل پەیامێکی ڤیدیۆیی بڵاوکردەوە و تێیدا دەڵێت: هێرشەکانیان بۆسەر ئێران بەردەوام دەبێت و بەرنامەی ئەتۆمییەکەشی لەناودەبەن

قوباد تاڵەبانی جێگری سەرۆک وەزیرانی حکومەتی هەرێمی کوردستان پەیامێکی پرسە و سەرەخۆشیی ئاڕاستەی بنەماڵەی فەرماندە و پێشمەرگەی کۆچکردوو مامە غەفە کرد و تێیدا هاتووە: مام غەفور پاڵەوانی رۆژی تەنگانە و فەرماندەی بەعسشکێن، هاوڕێی خۆشەویستی مام بوو

دەقی پەیامەکە:


لای هەڵۆی بەرزەفڕی بەرزە مژی
چۆن بژی شەرتە نە وەک چەندە بژی
پێش ١٠ رۆژ چوومە خزمەتی، لەگەڵ ئەوەی نەخۆشی تەنگی پێ هەڵچنیبوو، بەڵام نیگای هەمان نیگای پڕ لە ئومێدی سەردەمی پێشمەرگایەتییەکەی بوو. زۆر سەختە بڕوا بکەی بە مەرگی هەڵۆیەکی بەرزەفڕی شاخ و پێدەشتەکانی کوردستان، پاڵەوانی رۆژی تەنگانە و فەرماندەی بەعسشکێن، هاوڕێی خۆشەویستی مام و خۆشەویستی هەموو پێشمەرگە و تێکۆشەرە دێرینەکان.
مامە غەفور (مامەغەفە)ی ئازیز روحت شاد و خودای گەورە سەبووری و ئارامی بە هەموو ئازیزان و خۆشەویستانت ببەخشێت و کەسمان لە میراتە بە نرخەکەت؛ وەفا و راستگۆیی و ورە و ئازایەتی و پاکێتی و نیشتمانپەروەری بێبەش نەکات.