قوباد تاڵەبانی رایگەیاندووە، یەکێک لە کێشە گەورەکانی ئێمە لە هەرێمی کوردستان نەبوونی هەماهەنگییە لەنێوان زانکۆ و پەیمانگاکان و بازاڕی کاردا، لەمەودوا زانکۆ و پەیمانگاکان بە هەماهەنگی لەگەڵ کەرتی تایبەت، هێزی کاری شارەزا و راهێنراو بۆ کەرتی تایبەت ئامادە دەکەن.

قوباد تاڵەبانی جێگری سەرۆکی ئەنجومەنی وەزیرانی هەرێم رایگەیاندووە: یەکێک لە کێشە گەورەکانی ئێمە لە هەرێمی کوردستان نەبوونی هەماهەنگییە لەنێوان زانکۆ و پەیمانگاکان و بازاڕی کاردا. بەهۆی ئەم ناهەماهەنگییەوە کۆمپانیاکان و خاوەنکارەکانی کەرتی تایبەت بە ئاسانی هێزی کاری شارەزای ناوخۆییان دەست ناکەوێت و ناچارن پشت بەهێزی کاری بیانی ببەستن و لە هەمان کاتیشدا گەنجان و خوێندکارەکانیشمان هەمیشە نیگەرانن کە لە دوای تەواوکردنی خوێندن هەلی کاریان دەست نەکەوێت.ماوەی چەند ساڵێکە کار دەکەین بۆ دروستکردنی ئەم هەماهەنگییە.

قوباد تاڵەبانی ئاماژەی بەوەشداوە: سوپاسی رێکخراوی MEED دەکەم کە هاوکارمان بووە و رۆڵێکی گرنگ دەبینێت لە دروستکردنی تێگەیشتن لە نێوان زانکۆکان و کەرتی تایبەتدا و لە ئەنجامی ئەم هەوڵانەشدا ئەمڕۆ زانکۆکان و پەیمانگاکان و نوێنەرانی کۆمپانیاکان لەسەر نەخشەڕێگەیەک رێککەوتن کە لەمەودوا زانکۆ و پەیمانگاکان بە هەماهەنگی لەگەڵ کەرتی تایبەت، هێزی کاری شارەزا و راهێنراو بۆ کەرتی تایبەت ئامادە دەکەن و بەمەش هەلی کاری زیاتر بۆ گەنجەکانمان دەستەبەر دەبێت و کۆمپانیاکانیش ناچار نابن پشت بە هێزی کاری بیانی ببەستن.

 

د.هەڵو عەسکەری، وەزیری ژینگەی عیراق  بە  کوردسات نیوزی راگەیاند، لەگەڵ تەیف سامی وەزیری دارایی عیراق لەبارەی خەرجکردنی موچەی مانگی سێی هەرێمی کوردستانەوە گفتوگۆی کردوە و دڵنیایداوە هیچ مەترسیەک لە ئارادا نییە.

د. هەڵۆ ئاماژەی بەوەشکرد، وەزیری دارایی عیراق رایگەیاندوە، کە هیچ مەترسیەک نابینن لەبەردەم خەرجکردنی موچەی مانگی سێی فەرمانبەرانی هەرێمی کوردستان و بۆ خەرجکردنیشی لە چاوەڕوانی گەیشتنی راپۆرتی تەرازوی پێداچونەوەی وەزارەتی دارایی هەرێمی کوردستاندان.

لەبارەی داهاتی نانەوتیشەوە بۆ مانگی سێ، وەزیرەکەی عیراق بە، محەمەد عەبدولرەحمانی پەیامنێری کوردسات نیوزی راگەیاند، وەزیری دارایی عیراق بەرچاو روونی هەیە، کە بەهۆی ئەم  رەوشەوە داهاتی نانەوتی لە عیراق و هەرێمی کوردستانیش کەمیکردوە، ئەمە نابێتە بەربەست و رێگری لەبەردەم خەرجکردنی موچەی مانگی سێی هەرێم.

ئەم قسانەی د.هەڵو عەسکەری لە کاتێكدایە پەیامنێری کوردسات نیوز، لە چەند سەرچاوەیەکەوە زانیویەتی کە تا ئەمڕۆش، راپۆرتی تەرازوی پێداچونەوەی وەزارەتی دارایی حکومەتی هەرێم و نوسراوی وەزارەتی نەوت، رادەستی وەزارەتی دارایی عیراق نەکراوە.

ئەمەش هۆکاری دەستپێنەکردنەوەی رێکارەکانی وردبینی کردنبوە لە لیستی موچەی مانگی سێی فەرمانبەرانی حکومەتی هەرێم.

پارێزگاری هەولێر رایگەیاند، هەڵمەتێکی توندیان بۆ دەستبەسەردا گرتنی سیمکاری بێ سەرەتا دەستپێکردوە و دەیان دوکانیان داخستوە و سەدان  سیمکارتیش دەستی بەسەردا گیراوە.

ئەمڕۆ سێشەممە، پارێزگاری هەولێر راگەیەندراوێکی بڵاوکردوەتەوە و تییدا هاتووە؛ لە چوارچێوەی هەوڵە بەردەوامەکان بۆ چەسپاندنی یاسا و رێکخستنی کەرتی پەیوەندییەکان، لیژنەی تایبەتی پارێزگای هەولێر هەڵمەتێکی بەرفراوانی بۆ قەدەغەکردنی فرۆشتنی سیمکارتی بێ سەرەتا ئەنجامدا.

ئاماژەیان بەوەشکردوە، لە رۆژی (1-3-2026 تا 31 3-2026) لیژنەکە بە سەرۆکایەتی بەڕێوەبەری کاروباری ناوخۆی پارێزگا و ئەندامییەتی نوێنەرانی وەزارەتی گواستنەوە و گەیاندن، پۆلیسی رێکاری و پۆلیسی شارەوانی، توانییان دەست بەسەر  هەزار و 685  سیمکارتی بێ سەرەتادا بگرن.

وەک لە راگەیەندراوەکەدا هاتووە؛ لە هەڵمەتەکەدا بەهۆی سەرپێچیکردن لە رێنماییەکان و فرۆشتنی نایاسایی سیمکارت، (17) شوێن و دوکانی مۆبایل داخران و خاوەنەکانیان روبەڕووی سزای دارایی و پێبژاردن کرانەوە.

پارێزگای هەولێر جەخت دەکاتەوە، کە ئەم هەڵمەتانە بەردەوام دەبن بۆ پاراستنی ئاسایشی هاووڵاتیان و رێگریکردن لە هەر جۆرە بازرگانییەکی.