راستە هەوڵ و پەلەقاژەی زۆر  کە ئارادا بو تا رۆژی ١١ی نۆڤامبر/تشرینی دوەم لەساڵی ٢٠١٠  نەبێتە رۆژێکی مێهویی تر بۆ گەلی کوردستان و عێراقییەکانیش ،لە جیاتی سەرۆك مامجەلال  کەسی تر ببنە سەرۆك کۆمار .

بەڵێ مامی گەورەمان پێشیتر خۆی بانگەشەی کرد کە خۆی کاندیدا ناکاتەوە بۆ خولێکی تری سەرۆکایەتیی ، بەڵام سەرکردایەتیی ئەو کاتەی کوردستان و هێزە دۆستەکانمان لەعێراقدا مکووڕیی خۆیان سەد بارە کردەوە کە دەبێت بەڕێزیان ئەمجاەەش  ببێتەوە بە کاندیدای پحاتی سەرۆکایەتیی .

ئاخر هیزەکانی کوردستانیش و  عێراق بگرە ناوچەکەش دڵنیا بون ئەو ئەرژە سەختە لەو هەلومەرجە ئاڵۆزەدا  هەر بە تەنیا بە سیاسەتمەدارێکی قاڵبوی نێو کێشە و ململانێ ناوخۆیی و ئیقلیمیی و دەولییەکان دەکرێت .

ناهەقیشیان نەبو ، چونکە سەرۆك مامجەلالی مەزن  خۆتشی هەر لە سەرەتای روخاندنی رژێمی سەدام حسێندا ، بە بەردەوامیی ئەو راستیەی دوپات کردوەتەوە  ئەگەر هێزە دیموکراسیی و  ئازادیخوازەکان فریا نەکەون ، جارێکیتر بە ناوێکی ترەوە  زوڵم و دیکتاتۆریی لە عێراقدا دەسەپێنرێت ، بە تایبەتیی دەستکەوتە دەستورییەکانی گەلی کوردستان دەکەونە بەر مەترسیی گەورە .

هەمیشە ئەوەی دوپاتکردوەتەوە کە پاشماوەکانی  بەعس و هاوبێجمەکانیان نایشارنەوە کە دەڵێن ئێستا دەستمان شکاوە و لەگەچدایە با چاك بینەوە بە ئسلوبی تر تۆڵە دەکەینەوە .

فەخامەتیان زۆر باش دەیزانی ئەوە یەکڕیزیی و یەك دەنگیی هاوپەیمانی کوردستان و فراکسیۆنە کوردستانییەکانی تر و فراکسیۆنە دۆستە راستەقینەکانی مەسەلەی رەوای گەلەکەمانە کە بودجەی لەسەدا هەڤدەی  بۆ هەرێمی کوردستان هێشتوەتەوە ساڵانە تێ دەپەڕێنرێت .دەنا  فرسەت دەقۆزرێتەوە بۆ کەمکردنەوەی .

بەڕێزیان بەردەوام  بە پەرۆشەوە هەوڵی بە خێرایی جێبەجێبونی مادەی ١٤٠ ی دەستوری دەدا، شەو و رۆژی خستبوە سەر یەك تا  لەماوەی  دوەمین خولی سەرۆکایەتیدا  لە خەم بڕەخسێت و بیانو نەمێنێتەوە  بۆ خۆدزینەوە و دەستی دەستی کردن لە جێبەجێکردنەکەیدا.

هەوڵی زۆری دەدا تا قانونی نەوت گاز لە  دوەمین خولی  سەرۆکایەتییەکەیدا بە ئاکام بگات تا ئیتر نەوت ببێتە نیعمەت بۆ گەلەکەمان و تەواوی خەڵکی عێراق .

فەخامەتیان هەوڵەکانی چڕ کردەوە تا پێشمەرگە واتە هەمو هێزی پێشمەرگە لە سیستمی بەرگریی عێراقدا بەتەواوەتی بچەسپێت تا سبەینێ هیچ هێزێك بە هیچ بیانویەك  هەوڵی دەستوەشاندن لەو ناوە پیرۆزەی نەدات .ئەوانە و سەدان خەمی تری هەبون کە سەرۆك مامجەلال پێویست بو ئەو  ئەرك بارە قورسە بگرێتە ئەستۆ کە خۆیشی هەر بۆ ئەو هەکومەرجانە هاتوەتە جیهانی سیاسەتەوە .

 بە کورتیی بە پوختیی وەك دەیان سەرکردە و رابەری کوردستان و عێراق و ناوچەکە و جیهانیش ئاماژەیان بۆ کرد ، ئەگەر سەرۆك مامجەلال دوساڵەکەی تری تەواو بکردایە و نەخۆش نەکەوتایە ، هاوکێشەکان جۆرێکی  تر دەبون . ماڵی کورد ، ماڵی عێراق و ناوچەکە  پەرش و بڵاو نەدەبون ، ئەو قەیرانانەی  چەندین ساڵە لە ئارادان  ناوچەکە هەرێمی کوردستان و عێراقیش نەیاندەبینی . ئەگەر دوساڵەی تری تەواو بکردایە ، سەرۆك مامجەلال سەدان دەستپێشخەری دەکرد بۆ راگرتنی هاوسەنگیی و  رەواندنەوەی بار و دۆخی دەڵەمەیی کورد و بەهێزتر کردنی پێگەی کورد بەك هەر لە عێراقدا بەڵکو لە ناوچەکەشدا ، هەرگیز نەك هەر بودجە بەڵکو هیچ قانونێك لە پەرلەمانی عێراق بەبێ فراکسیۆنەکانی کوردستان بە تایبەت پارتی دیموکراتی کوردستان و یەکێتیی نیشتمانیی کوردستان تێ نەدەپەڕین .