سوپای پاسداران رایگەیاند، فرۆكەیەكی بێفڕۆكەوانی سیخوڕییان لە باشوری وڵاتەكەیان خستوەتە خوارەوە.

سوپای پاسدرانی ئێران لە راگەیەنراوێكدا ئاماژەی بۆ ئەوەكردووە، لە بەردەوامی شكستەكانی ئەمریكا، هێزی ئاسمانی سوپای پاسدران فڕۆكەیەكی بێفڕۆكەوانی ئەمریكی لە جۆری"ئێم كیو نۆ" لە ئاسمانی شاری ئەهواز خستوەتە خوارەوە، چەند سەعاتێك پێشتر لە ئاسمانی كیش فڕۆكەیەكی تری ئەمریكی لە هەمان جۆر خراوەتە خوارەوە.

راشیگەیاندوە، لە ماوەی دوو رۆژدا چوار فرۆكەی بێفڕۆكەوان لە جۆری"ئێم كیو نۆ" لە ناوچە جیاجیاكانی ئێران خراونەتە خوارەوە.

ئاماژەی بۆ ئەوەشكردوە، بەپێی ئامارەكان لە سەرەتای شەڕی 40 رۆژەدا ژمارەی ئەو فرۆكانەی خراونەتە خوارەوە، گەیشتوەتە 25 بۆ 30 فڕۆكە.

ئامادەكارییەكانی لیستی موچەی مانگی تەمموز لە سەرجەم وەزارەتەكان تەواوبووە و سبەینێ رەوانەی وەزارەتی دارایی هەرێم دەكرێت، بڕیاریشە هەر لەم هەفتەیەدا لیستەكە و تەرازووی پێداچوونەوەی مانگی رابردوو رەوانەی بەغداد بكرێت.

سەرچاوەیەك وەزارەتی دارایی و ئابووری هەرێم بە كوردسات نیوزی راگەیاند، ئامادەكارییەكانی لیستی موچەی مانگی تەمموز لە سەرجەم وەزارەتەكان تەواوبووە و سبەینێ رەوانەی وەزارەتی دارایی هەرێم دەكرێت.

وتیشی، بڕیارە لەماوەی چەند رۆژێكدا وردبینی و رێككارە یاساییەكانی لیستەكە لە وەزارەتی دارایی تەواو بكرێت و هەر لەم هەفتەیەدا لەگەڵ تەرازووی پێداچوونەوەی مانگی حوزەیران رەوانەی بەغداد بكرێت.

سەرچاوەكە ئاماژەی بەوەشكرد، لەگەڵ حكومەتی عیراق لە گفتوگۆدان بۆئەوەی بەزووترین كات رێوشوێنە كارگێڕیی و یاساییەكان بۆ لیستی موچە لە بەغداد تەواو بكرێت و پارە رەوانەی هەرێم بكرێت.

بەڕێوەبەرایەتی پاسپۆرتی پارێزگای سلێمانی ئەو دەنگۆیانە رەتدەکاتەوە کە باس لە کەمکردنەوەی تێچووی دەرهێنان و نوێکردنەوەی پاسپۆرت دەکەن و رایدەگەیەنێت، وەزارەتی ناوخۆی عیراق هیچ بڕیارێکی لەو شێوەیەی نەداوە.

عەمید سالار عەبدوڵا، بەڕێوەبەری پاسپۆرتی پارێزگای سلێمانی لە راگەیەنراوێکدا ئاشکرایکرد، ئەو هەواڵانەی لە تۆڕە کۆمەڵایەتییەکان و دەزگاکانی راگەیاندنەوە سەبارەت بە کەمکردنەوەی تێچووی پاسپۆرت بڵاوکراونەتەوە، هیچ بنەمایەکی راستییان نییە.

جەختیشی کردەوە، نرخەکان وەک خۆیان ماونەتەوە و هیچ بڕیارێکی نوێ لە بەغداوە دەرنەچووە.

بەڕێوەبەری پاسپۆرتی سلێمانی جەختیشی کردەوە، ماوەی سێ ساڵە تێچووی دەرهێنانی پاسپۆرت بە 91 هەزار دینار جێگیر کراوە، ئەم نرخەش پەیوەندی بە گرێبەستێکی 10 ساڵەی نێوان حکومەتی فیدراڵ و کۆمپانیایەکی کەرتی تایبەتەوە هەیە.

عەمید سالار عەبدوڵا ئاماژەی بەوەشکرد، ئەگەر حکومەت بیەوێت نرخەکە کەم بکاتەوە، دەبێت بۆ حەوت ساڵی داهاتووی ماوەی گرێبەستەکە، قەرەبوویەکی دارایی گەورەی ئەو کۆمپانیایە بکاتەوە، ئەمەش وادەکات کەمکردنەوەی نرخەکە لە ئێستادا کارێکی یەکجار قورس بێت، چونکە بەغداد هیچ ئامادەکارییەکی بۆ گرتنە ئەستۆی تێچووی ئەو قەرەبووە نەکردووە.

سەبارەت بە سەرچاوەی بڵاوبوونەوەی ئەم هەواڵە، عەمید سالار عەبدوڵا ئاشکرایکرد، ئەوەی وتراوە تەنیا پێشنیازی پەرلەمانتارێک بووە بۆ حکومەت، نەک پڕۆژەیاسا یان بڕیارێکی رەسمی.

جێگەی ئاماژەیە، پێشتر پەرلەمانتارێکی عیراق رایگەیاندبوو، تێچووی دەرهێنانی پاسپۆرت تەنیا 10 هەزار دینار لەسەر حکومەت دەکەوێت و هەوڵ دەدەن بڕی ئەو پارەیە کەم بکرێتەوە کە لە هاووڵاتییان وەردەگرێت.