دوای بەرنامەیەکی کوردسات نیوز سەبارەت بەکێشەکانی جوتیارانی کەرکوک وەفدێکی  فراکسیۆنی  یەکێتی لەبەغداد کێشەی جوتیارانی کەرکوکی گەیاندە  وەزیری کشتوکاڵی عیراق.

دوای ئاوەی لەدواین بەرنامەی فایل و دیارە لە کوردسات نیوز کە تایبەت بوو بەکێشەکانی جوتیارانی کەرکوک کەلەو بەرنامەیەدا، سروە محەمەد ئەندامی ئەنجومەنی نوێنەرانی عیراق بەشداربوو، بەڵێنیدا کێشەکانی جوتیارانی کەرکوک بگەیەنێتە لایەنی پەیوەندیدار لەبەغداد، کێشەکان لەلایەن فراکسیۆنی یەکێتیەوە گەیەندرایە وەزارەتی کشتوکاڵی عیراق.

سروە محەمەد ئەندامی ئەنجومەنی نوێنەرانی عیراق لە فراکسیۆنی یەکێتی راگەیاند، وەکو فراکسیۆن سەردانەکەمان بۆ لای وەزیری کشتوکاڵی عیراق ئەنجامدا، دوای ئەو بەرنامەیەی من هەمبوو لەگەڵ کوردسات نیوز سەبارەت  بەکێشە و داواکاری جوتیارانی کەرکوک بەتایبەت کێشەی وەرگرتنی گەنمی ناو پلان و دەرەوەی پلان و جیاوازیەکانی ،وەکو فراکسیۆنی یەکێتی لەو سەردانەدا داواکاریەکانی جوتیارانی کەرکوکمان گەیاندە وەزیری کشتوکاڵ بەمەبەستی چارەسەرکردنی سەرجەم ئەو کێشانەی کەوا پەیوەندی بەجوتیارانی کەرکوک و ناوچەکانی تری مادەی 140ـەوە هەیە.

ئەوەشی خستەڕوو، لەتەوەرێکی تری دیدارەکەدا باسیان لەپشکی دیاریکراو بۆ هەرێمی کوردستانیش کرد، لەوەرگرتنی گەنم کە پشکەکە زۆر کەمە بۆیە وەکو فراکسیۆنی یەکێتی داوایانکرد ئەو رێژەیەی دیاریکراوە بۆ هەرێمی کوردستان رێژەکە زیاد بکرێت، بەتایبەت کەئەمساڵ ئاووهەوا باشبووە و گەنمی هەرێمی کوردستان زیادیکردووە.

ئەمڕۆ پێنجشەممە، یارییەکانی جامی جیهانیی 2026 بە رەسمی لە مەکسیکۆ سیتیی پایتەختی مەکسیک دەستپێدەکەن، کە لە ساڵی 1930 وە و لە مێژوی پاڵەوانێتییەکەدا، بە بەرفراوانترین و گەورەترین خول دادەنرێت.

بۆ یەکەمجار لە مێژوی مۆندیالدا، سێ وڵات کە بریتین لە (ویلایەتە یەکگرتووەکانی ئەمریکا، کەنەدا، و مەکسیک) بە هاوبەشی میوانداری ئەم خولە دەکەن.

لەم خولەدا ژمارەی تیپە بەشداربووەکان بۆ 48 هەڵبژاردە زیادکراوە، ئەمەش وایکردووە ژمارەی یارییەکان لە 64 یارییەوە بۆ 104 یاری بەرزبێتەوە کە بە درێژایی شەش هەفتە بەردەوام دەبن.

یاریی کردنەوەی پاڵەوانێتییەکە لە نێوان هەڵبژاردەی مەکسیک و باشووری ئەفریقا لەسەر یاریگای مێژوویی "ئەزتێکا" بەڕێوەدەچێت، کە دەبێتە یەکەم یاریگا لە مێژوودا میوانداری سێ وەشانی جیاوازی مۆندیال بکات.

یارییەکانی دیکەش لە 16 شاری جیاواز (11 شار لە ئەمریکا، 3 لە مەکسیک، و 2 لە کەنەدا) لەسەر 16 یاریگای جیاواز ئەنجام دەدرێن، لە نێویاندا یاریگای "میتلایف" لە نیوجێرسی کە کاندیدە بۆ یاریی کۆتایی.

ئەم خولە شاهیدی بەشداریکردنی پێوانەیی و بێوێنەی 8 هەڵبژاردەی عەرەبییە کە بریتین لە: عیراق، میسر، مەغریب، تونس، جەزائیر، سعودیە، قەتەر، و ئوردن. هەروەها پشکی کیشوەر بەم شێوەیەیە: 9 تیپ لە ئاسیا، 10 لە ئەفریقا، 16 لە ئەوروپا، 6 لە کۆنکاکاف، 6 لە ئەمریکای باشوور، و 1 لە ئۆقیانووسیا.

لەسەر ئاستی ئابوری، فیفا پێشبینی دەکات ئەم مۆندیالە بەهۆی زیادبوونی مافی پەخش و سپۆنسەرییەوە بەرزترین داهات لە مێژوی خۆیدا تۆمار بکات، بە جۆرێک پێشبینی دەکرێت 7 ملیۆن هاندەر بچنە ناو یاریگاکان و نزیکەی 6 ملیار کەسیش لە رێگەی شاشەکانەوە بینەری بن.

بەپێی دوایین خەمڵاندنەکانیش، بەهای بازاڕی سەرجەم هەڵبژاردەکان دەگاتە 17.26 ملیار یۆرۆ، کە تێیدا ئینگلتەرا لەسەر ئاستی جیهان و مەغریب لەسەر ئاستی عەرەبی لە پێشەنگدان.

لەم چوارچێوەیەدا، جانی ئینفانتینۆ، سەرۆکی فیفا رایگەیاند کە مۆندیالی 2026 دەبێتە "گەورەترین و گشتگیرترین خول لە مێژوودا" و قۆناغێکی نوێ لە گەشەکردنی تۆپی پێ لە جیهاندا دەستپێدەکات.