بەڕێوەبەرایەتی گشتی کەشناسی و بوومەلەرزەزانی هەرێمی کوردستان، پێشبینییەکانی خۆی بۆ کەشوهەوای 48 سەعاتی داهاتوو راگەیاند و ئاماژە بە گۆڕانکاری لە پلەکانی گەرما دەکات.

کەشناسی هەرێم رایگەیاند، ئەمڕۆ ئاسمانی هەرێمی کوردستان بە گشتی ساماڵ دەبێت، هاوکات خێرایی با لەسەرخۆ بۆ مامناوەند دەبێت و پلەکانی گەرماش بە بەراورد بە تۆمارکراوەکانی دوێنێ یەک تا دوو پلە بەرزتر دەبنەوە.

ئاماژەی بەوەشکرد، سبەینێ ئاسمانی هەرێم لە نێوان ساماڵ و پەڵە هەوردا بێت و پلەکانی گەرما روو لە نزمبوونەوە دەکەن و بە نزیکەی دوو تا سێ پلە نزمتر دەبن لەوەی کە ئەمڕۆ پێنجشەممە تۆمار دەکرێت.

بەرزترین پلەکانی گەرمای پێشبینیکراو بە پلەی سیلیزی

هەولێر: 39 پلەی سیلیزی

پیرمام: 34 پلەی سیلیزی

سلێمانی: 38 پلەی سیلیزی

چەمچەماڵ: 40 پلەی سیلیزی

دهۆک: 39 پلەی سیلیزی

زاخۆ: 40 پلەی سیلیزی

حاجی ئۆمەران: 27 پلەی سیلیزی

ترەمپ رایگەیاند، ئێرانییەكان داوای راگرتنی بۆردومانەكەیان كردووە، سێنتكۆمیش كۆتاییهاتنی هێرشەكانیان بۆ تاران راگەیاند.

دۆناڵد ترەمپ، سەرۆكی ئەمریكا، ئاشكرایكرد، پەیوەندیی راستەوخۆ لە نێوان واشنتن و لێپرسراوانی ئێراندا هەیە،  وتیشی، تاران داوای لێكردووە بۆردومانەكان رابگرێت، و ئاماژەی بەوەشكرد، ئەگەرچی ئەگەری گورزی زیاتر لەسەر مێز ماوە، بەڵام پێدەچێت ئۆپەراسیۆنە سەربازییەكانی دژ بە ئێران بەمزووانە كۆتاییان بێت.

لە بەرانبەردا، لێپرسراوێکی ئێرانی لێدوانەكانی ترامپی رەتكردەوە و جەختی كردەوە كە تاران لەم قەیرانەی ئێستادا هیچ جۆرە پەیوەندییەكی راستەوخۆی لەگەڵ سەرۆكی ئەمریكادا نەكردووە.

هاوكات، فەرماندەیی ناوەندیی هێزەكانی ئەمریكا (سێنتكۆم) رایگەیاند، هێزەكانیان بە فەرمانی راستەوخۆی ترەمپ، شەپۆلێكی تری گورزە ئاسمانییەكانیان بۆ سەر چەندین ئامانج لە ناوەوەی ئێران كۆتاییپێهێناوە.

لەكاتێكدا سوپای ئێران دواتر راگرتنی هێرشەكانی ئەمریكای بۆ سەر ناوچەكانی باشوری وڵاتەكە راگەیاند، میدیاكانی ئێران ئاماژەیان بە بیستنی دەنگی دوو تەقینەوە لە ناوچەی كەرەج (خۆراوای تاران) كرد، هاوكات دەنگی تەقینەوە لە دەوروبەری بەندەرەكانی سیریك و بەندەر عەباس و دوورگەی خارگیش بیستراوە.