بەپێی زانیارییەکانی کوردسات نیوز، دوانیوەڕۆی ئەمڕۆ لە گەڕەکی دەروازەی شار لە کەرکوک، بارهەڵگرێکی گواستنەوەی چیمەنتۆ کۆنترۆڵی لەدەستداوە و خۆی کردووە بەنێو هاووڵاتیانی مەدەنیدا و زیاتر لە 20 ئۆتۆمبێلی کردووە بەژێرەوە.

هاوکات بەڕێوەبەرایەتیی تەندروستیی کەرکوکیش لەوبارەیەوە رایگەیاند، تائێستا حەوت کەس گیانیان لەدەستداوە و 16 کەسی دیکەش بریندارن.

لەلایەکی دیکەشەوە، نەخۆشخانەی ئازادی لە کەرکوک داوای لە هاووڵاتیانی شارەکە کرد کە سەردانی نەخۆشخانەکەیان بکەن و خوێنیان پێببەخشن، بەمەبەستی دابینکردنی بڕی خوێنی پێویست بۆ بریندارەکان.

رێكخراوی تەندروستی جیهانی رایگەیاند، ساڵی 2024، 282 ملیۆن كەس لە جیهاندا توشی مەلاریا بوون و 610 هەزار كەسیش بەهۆی نەخۆشییەكەوە گیانیان لەدەستداوە.

رێكخراوی تەندروستی جیهانی لە رۆژی جیهانی مەلاریادا رایگەیاند، ساڵی 2024، 282 ملیۆن كەس لە سەرانسەری جیهان توشی مەلاریا بوون، كە كیشوەری ئەفریقا بە پلەی یەكەم دێت لە رووی توشبوانی ئەو نەخۆشیەوە. 

بەپێی ئامارەكەی تەندروستی جیهانی، لە ساڵی 2024دا لە كۆی ئەو 282 ملیۆن توشبووەی مەلاریا 265 ملیۆن توشبوویان تەنها لە ئەفریقا بوون كە دەكاتە كۆی 95٪ی توشبووانی جیهان. هاوكات، لەكۆی 610 هەزار گیانلەدەستدان 579 هەزاریان لە ئەفریقا بوون و 75٪ی گیانلەدەستدانەكانیش منداڵانی خوار تەمەن پێنج ساڵ بوون.

مەلاریا نەخۆشییەكی گوازراوەیە و لەرێگەی پێوەدانی مێشولە دەگوازرێتەوە، نەخۆشییەكە نیشانەكانی هاوشێوەی پەتای توند یان كۆرۆنان و توانای چارەسەركردنی هەیە.

وەزارەتی ناوخۆی عیراق ئاشكرایكرد، لە چوارچێوەی ئەو بەرنامەیەی بۆ تۆماركردنی چەكە بێمۆڵەتەكان دایانرشتوە، تا ئێستا نزیكەی شەش ملیۆن چەك كۆدكراون.

عەباس بەهادلی وتەبێژی وەزارەتی ناوخۆی عیراق رایگەیاند، لە ئێستادا 864 نووسینگە لە هەموو پارێزگاكانی عیراق بۆ تۆماركردنی چەكە بێمۆڵەتەكان كراونەتەوە و ئەپڵیكەیشنێكی تایبەتیشیان لەڕێی مۆبایلەوە راگەیاندووە، تا هاووڵاتیان بتوانن بە ئاسانی چەكەكانیان تێیدا تۆماربكەن و دەشڵێت، فۆڕمی تۆماركردن لە ناو ئەپڵیكەیشنەكەدا بێ بەرامبەرە. 

هەروەها ئاشكرایكردووە، تائێستا 310 هەزار فۆڕم وردبینییان بۆ كراوە و پێنج ملیۆن و 800 هەزار پارچە چەكیش كۆدكراون و لە بانكی نیشتمانیی عیراقی تایبەت بە چەك ئەرشیف كراون.

ئاماژەی بەوەش داوە، پرۆسەی تۆماركردن تا ڕێكەوتی 31ـی كانوونی یەكەمی ئەمساڵ بەردەوام دەبێت، دوای ئەو بەروارە، هەڵمەتی گەڕان و پشكنین دەستپێدەكات و هەر چەكێك تۆمار نەكرابێت، دەستی بەسەردا دەگیرێت و خاوەنەكەی ڕووبەڕووی یاسا دەبێتەوە.