ئیسرائیل و سوریا رێککەوتن
محەمەد رزگار
٦ی کانوونی دووەمی ٢٠٢٦
بەنێوەندگیری ئەمریكا وەفدی ئیسرائیل و سوریا لە پاریس كۆبوونەوە و تێیدا رێککەوتن لەسەر دانانی میکانیزمی هەماهەنگی هاوبەش.
ئاژانسەکانی هەواڵ ئاشکرایانکردووە، سوریا و ئیسرائیل رێككەوتن لەسەر دروستكردنی سەكۆیەك بۆ چارەسەركردنی هەر ناكۆكییەك، کە بڕیارە بارەگاکەی لە ئوردن بێت.
ئەمریکا لەبارەی رێککەوتنەکەی سوریا و ئیسرائیل رایگەیاندووە،هەماهەنگی سوریا و ئیسرائیل بۆ ئاڵوگۆڕی زانیاری دەبێت، هەروەها ئەو دوو وڵاتە ئاشتی و سەقامگیری وڵاتەكانیان دەوێت.
ئەوەشی خستەڕوو، ئامانجێكی میكانیزمی هەماهەنگی لەنێوان سوریا و ئیسرائیل ئاڵوگۆڕی بازرگانی دەبێت.
لەلایەکی دیکەوە وەزارەتی دەرەوەی ئەمریكا رایگەیاند، پشتیوانی لێكتێگەیشتنی نێوان ئیسرائیل و سوریا دەكەن و تەلئەبیب و دیمەشق لاپەڕەیەكی نوێی پەیوەندی هەڵدەدەنەوە.



