تۆم باراک، نێردەی تایبەتیی ئەمریکا بۆ کاروباری سوریا، لە لێدوانێکی تایبەتدا بۆ ئاژانسی رۆیتەرز، هۆشدارییەکی توندی لەبارەی داهاتووی سوریاوە دا و رایگەیاند، "مەترسییەکان لە سوریا بە شێوەیەکی ترسناک بەرزن" و پێدەچێت ئەو وڵاتە "رووبەڕووی سیناریۆی کارەساتباری وەک لیبیا و ئەفغانستان، یان تەنانەت خراپتریش ببێتەوە."

نێردەکەی ئەمریکا ئاشکرای کرد، کە لە گفتوگۆ تایبەتەکاندا ئامۆژگاریی شەرعی، سەرۆکی نوێی سوریای کردووە کە بە خێرایی گۆڕانکاری بکات، ئەگەرنا "مەترسیی ئەوەی لەسەرە ئەو هێزە لەدەست بدات، کە پاڵی پێوەنا بەرەو دەسەڵات."

سەبارەت بە رووداوەکانی پارێزگای سوەیدا، باراک ئەو هەواڵانەی رەتکردەوە کە هێزە ئەمنییەکانی سوریا بە ئەنجامدانی پێشێلکاری دژی هاوڵاتیانی درووز تۆمەتبار دەکەن و رایگەیاند: "ئەو تاوانکارییانە لەلایەن هێزەکانی رژێمی سوریاوە ئەنجام نەدراون."

ناوبراو ئاشکرای کرد: "چەکدارانی حکومەت تەنانەت لە سوەیداش نین، چونکە لەگەڵ ئیسرائیل رێککەوتوون کە نەچنە ناویەوە."
نێردەی ئەمریکا چەند لە رۆیتەرزەوە چەند ئامۆژگارییەکی ئاڕاستەی حکومەتە نوێیەکەی سوریا کرد، لەوانە:
پێداچوونەوە بە پێکهاتەی سوپادا.

 
پێویستە حکومەتی نوێ گشتگیرتر بێت و کەمینەکان بەشداری پێبکات.

هاوکات پەیامێکیشی ئاڕاستەی ئیسرائیل کرد و وتی: "پەیامی من بۆ ئیسرائیل ئەوەیە کە گفتوگۆ بکات بۆ کەمکردنەوەی نیگەرانییەکان لەگەڵ سەرکردە نوێیەکانی سوریا."

باراک جەختیشی کردەوە "ویلایەتە یەکگرتووەکان دەتوانێت رۆڵی نێوەندگیری لە نێوان سوریا و ئیسرائیلدا ببینێت" و ئاماژەی بەوەشکرد کە "شەرع هەر لە سەرەتای دەسەڵاتییەوە ئاماژەی بەوە کردووە ئیسرائیل دوژمنی نییە و دەتوانێت لە کاتی گونجاودا پەیوەندییەکان ئاسایی بکاتەوە."