ئێران رەتی دەکاتەوە گفتوگۆکان لەگەڵ ئاژانسی ئاژانسی نێودەوڵەتیی وزەی ئەتۆمی دەستپێبکاتەوەو مەرجی بۆ گفتوگۆکانیش راگرتنی هێرش و هەڕەشەکانە.

ئاژانسی ئەسۆشێتید پرێس بڵاویکردوەتەوە، ئێران بە بە ئاژانسی نێودەوڵەتیی ئەتۆمی راگەیاندوە تا مەترسی هێرشی سەربازی هەبێت رێگە بە پشکنینی دامەزراوەکان نادات و ئامادە نییە بۆ گفتوگۆکردن.

ئاژانسەکە ئەماژەی بەوەکردوە، ، تاران جەختی لەوە کردووەتەوە کە بەهۆی هەڕەشە بەردەوام و ئاشکراکانی دۆناڵد ترەمپ، سەبارەت بە ئەنجامدانی کردەوەی توندوتیژتر دژی ئێران، بەتایبەت بە ئامانجگرتنی بنکە ئەتۆمییەکانی،

ئەمە لە کاتێکدایە، ئاژانسی نێودەوڵەتیی وزەی ئەتۆم رایگەیاند نیگەرانن لە پیتاندنی یۆرانیۆم لە ژێر زەوی و  داوای لە ئێران كرد هەنگاوی كردەیی و قۆناغ بە قۆناغ بنێت بۆ ئەوەی پشكنین بۆ بنكە و دامەزراوە ئەتۆمییەكان ئەنجام بدەن.

لە دوای هێرشەکانی ئیسرائیل و ئەمریکا لە هاوینی 2025ـوە، پشکێنەرانی ئاژانسەکە نەیانتوانیوە دەستیان بە دامەزراوە زیانلێکەوتوەکان بگات و رەوشی کۆگاکانی یۆرانیۆمی پیتێنراوی ئێران بە نادیاری ماوەتەوە؛ لەگەڵ ئەوەشدا، ئێران پابەندبوونی خۆی دووپات کردووەتەوە کە هەر کاتێک مەرجە یاسایی و راستەقینەکان بڕەخسێن، دەستبەجێ دەست بە تەواوی ئەرکە چاودێرییەکانی دەکاتەوە.

سەرچاوەیەکی ئەمنی بە کوردسات نیوزی راگەیاند، لە نزیک گوندی درماناو شێخییە لەسنوری پردێ هێزە ئەمنییەکانی عیراق توانیویانە سێ چەکداری داعـ،ـش بکوژن و چەکدارێکی تریش بریندار بکەن.

ئەمڕۆ هەینی، دوای بڵاوبونەوەی دەنگۆی بینینی سێ چەکداری داعش لە پردێ و داخستنی رێگای نێوان هەولێر -  کەرکوک، بەپێی راگەیەندراوێکی رەسمی، هێزە ئەمنییەکانی عیراق بە فەرمانی فەرماندەی گشتیی هێزە چەکدارەکان و لە رێگەی ئۆپەراسیۆنێکی پێشوەختە و هەواڵگرییەوە، توانیویانە سێ چەکداری داعش بکوژن و چەکدارێکی تریش دەستگیربکەن.

سەرچاوەیەکی ئەمنیش بە کوردسات نیوزی راگەیاند، ئەو سێ چەکدارەی داعش، کە کوژراون، هەمان ئەو سێ چەکدارەبووە، کە لە بازگەکاندا بینراون بە چەکەوە.

بە گوێرەی راگەیەندراوێکی نوسینگەی فەرماندەی گشتی هێزە چەکدارەکانی عیراقیش، ئۆپراسیۆنەکە بە پشتبەست بە زانیارییەکانی بەڕێوەبەرایەتیی هەواڵگریی سەربازیی و لە رێگەی بۆردومانی فڕۆکەی جەنگییەوە لە سەعات (08:00)ـی ئێوارەی ئەمڕۆ هەینی ئەنجامدرا.

ئاماژە بەوەشکراوە، لە ئێستادا گەڕان و پشکنینی ورد لە ناوچەکەدا بەردەوامە و دواتر وردەکاریی زیاتر بڵاو دەکرێتەوە.

سەرۆك وەزیرانی راسپێردراوی ئیسرائیل رەتیكردەوە وێنەی هاووڵاتییانی عەرەب لە وڵاتەكەی بشێوێندرێت و وەڵامی هێرشەكانی بنیامین ناتانیاهۆ و هاوپەیمانەكانی بۆ سەر پەرلەمانتارە عەرەبەكان دایەوە.

لە پەیامێكدا گادی ئایزنكۆت سەرۆك وەزیرانی راسپێردراوی ئیسرائیل رایگەیاند، هاووڵاتییانی عەرەب بەشێكی دانەبڕاون لە ئیسرائیل

 ئاماژەی بەوەش كرد، بوونی ناكۆكی لەگەڵ نوێنەری حیزبە عەرەبییەكان ئاساییە، بەڵام جێگەی قبوڵ نییە سووكایەتی بە تەواوی ئەو پێكهاتەیە بكرێت و رێگەش بەوە نادات.

ئەم هەڵوێستەی ئایزنكۆت دوای ئەوە دێت كە ناتانیاهۆ حیزبە عەرەبییەكانی بە هەوڵدان بۆ دروستكردنی دەوڵەتێكی ئیسلامی یان فەلەستینی تۆمەتبار كرد.

پێشتر ئایزنكۆت و ناتانیاهۆ لە كۆبوونەوەیەكدا جەختیان لەوە كردووەتەوە، ئاسایشی ئیسرائیل لەسەرووی هەموو شتێكەوەیە و بەرژەوەندییەكانی ئیسرائیل دەپارێزن.