رۆژنامەی وۆڵ ستریت جۆرناڵ رایگەیاند، ئەمریكا فرۆكە جەنگییەكانی لە ئەوروپاوە دەگەڕێنێتەوە رۆژهەڵاتی ناوەڕاست و رەوشی ناوچەکە بەرەو قۆناغێكی مەترسیدار دەڕوات.

رۆژنامەی وۆڵ ستریت جۆرناڵی ئەمریكی رایگەیاند، ئەمریكا بڕیاریداوە سەرجەم فرۆكە جەنگییەكانی لە ئەوروپاوە بگەڕێنێتەوە رۆژهەڵاتی ناوەڕاست.

راشیگەیاند، ئاماژەكان بەو ئاڕاستەیەن ئەمریكا و ئێران ململانێكانیان پێنبێنە قۆناغێكی مەترسیدارەوە.

پێگەی ئەكسیۆسیش بڵاویكردەوە، پێدەچێت لە رۆژانی داهاتوودا ترەمپ فەرمانی چڕكردنەوە و زیادكردنی هێرشەكان بۆ سەر ئێران بدات.

دەنگی چەند تەقینەوەیەک لە نزیک گەڕەکی تاسڵوجەی شاری سلێمانی بیسترا و بەهۆیەوە پوش و پاوانێکی زۆر سوتا.

لەم بارەیەوە د. هەڤاڵ ئەبوبەکر پارێزگاری سلێمانی رایگەیاند، بەتوندی سەرکۆنەی هێرشەکان بۆ شاری سلێمانی و کوردستان دەکەن، جەختیش دەکاتەوە، هەرێمی کوردستان و حکومەتی خۆجێیی سلێمانیش، بێلایەنانەو بەرپرسیارانە؛ بەشێک نین لەم جەنگەی بەرۆکی ناوچەکەی گرتووە.

پارێزگاری سلێمانی، داواش لە هاووڵاتیان دەکات ، لە شوێنی بۆردومانەکان نزیک نەبنەوەو ئاستەنگی هاتووچۆ بۆ هێزەکانی ئاسایش و ناوخۆ و لایەنە پەیوەندیدارەکانی تر دروستنەکەن، بۆ ئەوەی بتوانن کارەکانی خۆیان پیشەییانە جێبەجێبکەن.

کەمێک پێش ئێستا گەنجێکی تەمەن 18 ساڵ لەناحیەی  کەورگۆسکی سنوری هەولێر کوژرا.

بڕیار محەمەد پەیامنێری کوردسات نیوز لە هەولێر رایگەیاند، کەمێک پێش ئێستا گەنجێک بەناوی  سرود ئەسکەندەر دانیشتووی ناحیەی کەرگۆسکی سنوری  پارێزگای هەولێر  لەلایەن ئامۆزاکەیەکی خۆیەوە کوژرا.

وتیشی، ئێستا تەرمەکەی لە پزیکشی دادی هەولێرە و توێکاری بۆ تەرمەکەی دەکرێت، هێزە ئەمنیەکانیش سەرقاڵی لێکۆلێنەوە لەچۆنیەتی روداوەکە .

پەیامنێری کوردسات نیوز ئاماژەی بەوەشکرد، تا ئێستا بکوژەکە لایەن دەزگا ئەمنییەکانەوە دەستگیر نەکراوە.