وەزارەتی دارایی عیراق بڕی 616 ملیار دیناری وەک موچەی مانگی شەشی فەرمانبەرانی هەرێمی کوردستان رەوانە کرد.

بەپێی زانیارییەکانی پەیامنێری کوردسات نیوز لە بەغداد؛ بەهۆی کۆتاییهاتنی دەوامی رەسمی ئەمڕۆ، بڕیارە سبەینێ دووشەممە ئەو پارەی کە ماوە زیاتر لە 300 ملیار دینارە، خەرج بکرێت و بگاتە سەر هەژماری وەزارەتە پەیوەندیدارەکانی هەرێم.

چاوەڕوان دەکرێت بە گەیشتنی تەواوی پارەکە، دەست بە دابەشکردنی موچەی مانگی شەش بەسەر فەرمانبەراندا بکرێت و سبەینێ لیستی موچە لەگەڵ گەیشتنی تەواوکاری پارەکە بڵاوبکرێتەوە.