سودانی جەخت لە پابەندبوونی هەرێم بە رێککەوتنە داراییەکان دەکاتەوە بەرانبەر ناردنی موچە
رەوەز
٢٢ی تەمووزی ٢٠٢٥
ئەمڕۆ سێشەممە، ئەنجومەنی وەزیرانی عیراق بە سەرۆکایەتیی محەمەد شیاع سودانی، سەرۆک وەزیران، کۆبوونەوەی ئاسایی خۆی ئەنجامدا و لە راگەیەندراوی کۆتایی کۆبوونەوەکەشذا جەخت لە گرنگیی پابەندبوونی حکومەتی هەرێمی کوردستان بە جێبەجێکردنی ئەرکە داراییەکانی کراوەتەوە و تیایدا داوا دەکرێت حکومەتی هەرێم پابەندی ئەرکە داراییەکانی بێت بەپێی یاسا و دەستوور، تاوەکو وەزارەتی دارایی فیدراڵی بتوانێت بەردەوام بێت لە جێبەجێکردنی ئەرکەکانی.
بەپێی راگەیەندراوێکی نوسینگەی محەمەد شیاع سودانی سەرۆک وەزیرانی عیراق ئاماژەی بە جێبەجێکردنی بڕیاری ژمارە (550)ی ئەنجومەنی وەزیران کردووە، کە لە کۆبوونەوەی 17می تەمموزی 2025دا بۆ چارەسەرکردنی کێشە دارایی و کارگێڕییەکان لەگەڵ حکومەتی هەرێمی کوردستان دەرکرابوو.
سودانی جەختی لەوە کردووەتەوە کە پێویستە حکومەتی هەرێم پابەندی ئەرکە داراییەکانی بێت بەپێی یاسا و دەستوور، تاوەکو وەزارەتی دارایی فیدراڵی بتوانێت بەردەوام بێت لە جێبەجێکردنی ئەرکەکانی.